ەلىمىزدە دارى-دارمەك قىمباتتادى دەپ حابارلايدى Qamshy.kz اقپارات اگەنتتىگى «حابار 24» ارناسىنا سىلتەمە جاساپ.

بيىل قاڭتار-قىركۇيەك ارالىعىندا ەلىمىزدە 56 ملرد تەڭگەدەن استام سوماعا ءدارى شىعارىلعان.

جالپى بارلىق فارماسيەۆتيكالىق ءونىم ءوندىرىسىنىڭ جيىنتىق كولەمى ءبىر جىلدا شامامەن 10 ملرد تەڭگەگە ارتقان. ءوندىرىس پەن بىرگە باعا دا وسكەن.

«ءدارىحانالارداعى پرەپاراتتاردىڭ قۇنى 8،2%-كە قىمباتتاعان»، – دەلىنگەن حابارلامادا. اسىرەسە، ۆيتاميندەر ءبىر جىلدا 11،4%-كە، انالگەتيكتەر 10،6%-كە، كورۆالول مەن انتيبيوتيكتەر 9،3%-كە قىمباتتادى. الايدا، كەلەسى جىلدىڭ 1 قاڭتارىنان باستاپ دەنساۋلىق ساقتاۋ مينيسترلىگى بالالارعا رەسەپتپەن بەرىلەتىن بارلىق دارى-دارمەكتى مەديسينالىق ساقتاندىرۋ ەسەبىنەن تەگىن بەرۋگە نيەتتى.

تاعى ءبىر ايتا كەتەرلىگى، سالاداعى ءوندىرىس ورىندارىنىڭ بارلىعى دەرلىك ەلىمىزدىڭ 3 وڭىرىندە شوعىرلانعان. بۇل شىمكەنت، الماتى وبلىسى جانە الماتى قالاسى. حالىقارالىق تالداۋعا ساي، قازاقستاندىق فارماسيەۆتيكا نارىعىنداعى ۇلەس بويىنشا ۇزدىك 15 كورپوراسيا تىزىمىنە تەك ەكى كومپانيا  كىرگەن.