شىعىس قازاقستان وبلىسىنىڭ ءتورت اۋدانىندا 10 اۋىل تاراتىلدى. بۇل تۋرالى وبلىستىق ءماسليحاتتىڭ كەزەكتى وتىرىسىندا ايتتى، – دەپ Qamshy.kz اقپارات اگەنتتىگى حابارلايدى.

اتاپ ايتقاندا، كۇرشىم اۋدانىندا اقبۇلاق اۋىلدىق وكرۋگىنىڭ التاي اۋىلى، كۇرشىم اۋىلدىق وكرۋگىنىڭ دىڭگەك اۋىلى، مارقاكول اۋىلدىق وكرۋگىنىڭ تەنتەك اۋىلى تاراتىلدى. سونداي-اق، قالعۇت اۋىلدىق وكرۋگىنىڭ جىلاتاۋ اۋىلى تاراتىلىپ، قاراتوعاي اۋىلىنىڭ قۇرامىنا، قۇيعان اۋىلدىق وكرۋگىنە قاراستى قارابۇلاق اۋىلى تاراتىلىپ، قاينار اۋىلىنىڭ قۇرامىنا ەندى.

ۇلان ايماعىندا اقجارتاس جانە بوزانباي اۋىلدىق وكرۋگىنىڭ قىزىلسۋ اۋىلدارى دا جويىلعانداردىڭ قاتارىنا قوسىلدى.

كوكپەكتى اۋدانىنا كەلەتىن بولساق، بۇل جەردە بيعاش اۋىلدىق وكرۋگىنىڭ كومسومول اۋىلى تاراتىلىپ، ەگىنبۇلاق اۋىلىنىڭ قۇرامىنا كىردى. اۋحادي اۋىلدىق وكرۋگىنە قاراستى كىشى بوكەن قويگەلدى اۋىلى تاراتىلىپ، ۇكىلى قىز اۋىلىنىڭ قۇرامىنا ەندى. شەمونايحا اۋدانىنىڭ وكتيابر اۋىلدىق وكرۋگىندەگى سادوۆوە اۋىلى دا جويىلدى.

وبلىستىق ءماسليحاتتىڭ شەشىمى 10 كۇننەن كەيىن كۇشىنە ەنەدى.