تاجىك-وزبەك شەكاراسىنا شابۋىل جاساعاندار اۋعانستاننان وتكەن دايش سودىرلارى ەكەنى بەلگىلى بولدى دەپ Qamshy.kz اقپارات اگەنتتىگى حابارلايدى،  ريا نوۆوستي -گە سىلتەمە جاساپ.  

تاجىكستاننىڭ ۇلتتىق قاۋىپسىزدىك مەملەكەتتىك كوميتەتى (ۇقك) شەكارا كۇزەتى ءبولىمىنىڭ باسپا ءسوز قىزمەتىنىنىڭ مالىمدەۋىنشە،  3 قاراشادا 20 سودىر شاارتۋز شەكارا جاساعىنان كۋبوديەن اۋماعىنا ءوتىپ، بەي-بەرەكەتسىزدىك ورناتىپ تاجىك جەرىندە جارىلىس ۇيىمداستىرماق بولعان. 

ەسكە سالساق، تۇندە 20 ادامنان قۇرالعان، بەتپەردە كيگەن توپ ۇرىس قارۋىمەن وزبەكستانمەن شەكارادا، دۋشانبەنىڭ باتىسىنان 60 شاقىرىم جەردەگى "سۇلتاناباد" شەكارا جاساعى اسكەري ءبولىمىنىڭ № 4 "يشكوبود" شەكارا بەكەتىنە شابۋىل جاساعان.

شابۋىل بارىسىندا بەلگىسىز توپ 5 اۆتوماتتى الىپ ۇلگەرگەن.

–كۇش قۇرىلىمىنىڭ وپەراسياسى بارىسىندا قارۋلى قىلمىستىق توپتىڭ 15 مۇشەسىنىڭ كوزى جويىلدى، بەسەۋى ۇستالدى. قارۋلى قاقتىعىستا شەكارا اسكەرىنىڭ ساربازى مەن ءبىر ميليسيونەر قازا تاپتى، – دەدى تاجىكستان ۇلتتىق قاۋىپسىزدىگىنىڭ مەملەكەتتىك كوميتەتىندەگىلەر.

قازىرگى ۋاقىتتا وقيعا ورنىندا جەدەل تەرگەۋ توبى قۇرىلىپ،  تەرگەۋ جۇمىستارى ءجۇرىپ جاتىر.