الماتى قالاسى اكىمىنىڭ ورىنباسارى ەرجان باباقۇماروۆ مۇمكىندىگى شەكتەۋلى بالالار مەن جاسوسپىرىمدەرگە ارنالعان «MEIIRIM» وڭالتۋ ورتالىعىندا بولدى، دەپ جازادى اكىمدىكتىڭ رەسمي سايتى.
2004 جىلى اشىلعان ورتالىقتىڭ العاشقى كۇنىنەن باستاپ مۇندا بسپ جانە اۋتيزم دياگنوزى بار 200-گە جۋىق بالا وڭالتۋدان جانە الەۋمەتتەندىرۋدەن ءوتتى. بۇل ورتالىق بالالاردىڭ كۇنى بويى اتا-اناسىز جۇرۋىنە مۇمكىندىك بەرەتىن ەلدەگى العاشقى مەملەكەتتىك ەمەس مەكەمە. مۇندا 3 جاستان 16 جاسقا دەيىنگى مۇمكىندىگى شەكتەۋلى بالالار مەن جاسوسپىرىمدەردىڭ جان-جاقتى دامۋى، الەۋمەتتەنۋى جانە وقۋى ءۇشىن بارلىق قاجەتتى جاعدايلار جاسالعان.
«جابدىقتالۋ جاعىنان فلاگمان بولىپ تابىلاتىن بۇل ورتالىقتىڭ قالا تۇرعىندارىنىڭ الەۋمەتتىك ءال-اۋقاتىن جاقسارتىپ، وڭالتۋ ماسەلەسىن شەشۋدە ماڭىزى زور»، – دەپ اتاپ ءوتتى الماتى قالاسى اكىمىنىڭ ورىنباسارى ەرجان باباقۇماروۆ.
ورتالىق ديرەكتورىنىڭ م.ا. امينا ومىرالييەۆا تىرەك-قيمىل جۇيەسىن دامىتۋ، زياتكەرلىك داعدىلار، مونتەسسوري جانە ت.ب. ادىستەرىمەن شۇعىلدانۋدى قامتيتىن وڭالتۋ ورتالىعىنىڭ مودەلىمەن تانىستىردى.
پىكىر قالدىرۋ