اعىمداعى جىلدىڭ 9 ايىندا سارىسۋ اۋدانىندا جالپى كولەمى 8 223 شارشى مەتر بولاتىن 47 جەكە تۇرعىن ءۇي پايدالانۋعا بەرىلدى. اۋداندا جىل سوڭىنا دەيىن كولەمى 5،5 مىڭ شارشى مەتر بولاتىن تۇرعىن ۇيلەر قولدانىسقا بەرىلەتىن بولادى، دەپ جازادى Qamshy.kz اقپارات اگەنتتىگى. 

جالپى جىل باسىنان بەرگى 9 ايدىڭ ىشىندە اۋداندا جالپى سوماسى 7 ميلليارد 700 ميلليون تەڭگە بولاتىن قۇرىلىس جۇمىستارى جۇرگىزىلدى. بۇل 2018 جىلدىڭ ەسەپتى كەزەڭىمەن سالىستىرعاندا 2 ميلليارد 100 ميلليون تەڭگەگە ارتىق. اۋداندا قارقىن العان قۇرىلىس جۇمىستارىنىڭ ناتيجەسىندە سارىسۋلىقتاردىڭ باسپاناعا سۇرانىسى تولىق وتەلمەك. مۇنان بولەك ءوڭىر تۇرعىندارىنىڭ الەۋمەتتىك ماڭىزعا يە نىساندارمەن قامتىلۋى دا باستى نازاردا.

اتاپ وتە كەتەرلىك ءبىر جايت اۋدانداعى قۇرىلىس جۇمىستارىنىڭ نەگىزى ۇلەسى تۇرعىن ۇيلەردى قايتا جاڭعىرتۋ جانە كۇردەلى، اعىمدى جوندەۋ جۇمىستارىنا تيەسىلى. ماسەلەن بىلتىرعى جىلى اۋدان ورتالىعى سانالاتىن جاڭاتاس قالاسىندا 120 پاتەرلى تۇرعىن ءۇي پايدالانۋعا بەرىلگەن بولاتىن. بۇل تۇرعىن ۇيلەر ەسكى، قاراۋسىز قالعان ۇيلەرگە قايتا جاڭعىرتۋ جۇمىستارىن جۇرگىزۋ ناتيجەسىندە قولدانىسقا بەرىلىپ وتىر. جاڭاتاس قالاسىندا تۇرعىن ۇيلەردى قايتا جاڭعىرتۋ ەسەبىنەن باسپاناعا اينالدىرۋ جۇمىستارى ءالى دە ءوز جالعاسىن تابۋدا. سونداي-اق ءقازىر تۇرعىندار مەكەن ەتىپ جاتقان ۇيلەردىڭ تەحنيكالىق جاعدايىن جاقسارتۋ ماسەلەسى دە ءتيىستى دەڭگەيدە قولعا الىنعان. اتاپ ايتقاندا قازاقستان رەسپۋبليكاسىنىڭ «تۇرعىن ۇي-كوممۋنالدىق شارۋاشىلىعىن جاڭعىرتۋدىڭ 2011-2020 جىلدارعا ارنالعان باعدارلاماسى» ارقىلى جاڭاتاس قالاسىندا 6 كوپ قاباتتى تۇرعىن ۇيگە جوندەۋ جۇمىستارى جۇرگىزىلدى. تۇرعىن ۇيلەردىڭ تەحنيكالىق الەۋەتىن جاقسارتۋ جۇمىستارىنا 80 ميلليون تەڭگە قارجى قاراستىرىلسا، ونىڭ 52 ميلليون تەڭگەسى تۇرعىنداردىڭ ەسەبىنەن كەرى قايتارىلعان. ءتيىستى كولەمدەگى قارجى جۇمساپ ونى كەيىننەن تۇرعىنداردىڭ اي سايىنعا تولەم گرافيگىنە ساي قايتارىپ الۋ تاجىريبەسىمەن جاڭاتاس قالاسىنداعى 3 شاعىن اۋدانداعى 2 تۇرعىن ءۇي جوندەلدى. ءوز كەزەگىندە بۇل جۇمىستارعا 14 ميلليون 500 مىڭ تەڭگە قارجى قارالسا، بۇگىنگى تاڭعا دەيىن تۇرعىندار بۇل سومانىڭ 3 ميلليون 600 مىڭ تەڭگەسىن كەرى قايتارىپ ۇلگەرگەن. ال ەكى جىل بۇرىن قالاداعى 6 شاعىن اۋدان داعى№28 ۇيىنە 10 ميلليون 600 مىڭ تەڭگەگە اعىمداعى جوندەۋ جۇمىستارى جۇرگىزىلدى. قازىرگى ەسەپ بويىنشا تۇرعىندار تاراپىنان كەرىقايتارۋعا جاتاتىن 2 ميلليون 200 مىڭ تەڭگەنىڭ 44،3 پايىزى قايتارىلىپ قويعان.

وتكەن جىلى كەرى قايتارىلاتىن قاراجات كوزىنەن جاڭاتاس قالاسىنداعى 1 شاعىن اۋداننىڭ №23 تۇرعىن ۇيىنە اعىمداعى جوندەۋ جۇمىستارى تولىقتاي اياقتالدى. جالپى سوماسى 13 ميلليون 200 مىڭ تەڭگەگە جۇرگىزىلگەن قۇرىلىس جۇمىستارىنا بولىنگەن قارجىنىڭ 1 ميلليون 800 مىڭ تەڭگەسى كەرى قايتارۋعا جاتاتىن بولسا، قازىرگى تاڭدا ونىڭ 324،8 مىڭ تەڭگەسى قايتارىلعان.