اباي اتىنداعى وپەرا جانە بالەت تەاترىندا مەملەكەت جانە قوعام قايراتكەرى مارات وسپانوۆتىڭ 70 جىلدىعىنا ارنالعان ەسكە الۋ كەشى ءوتتى، دەپ حابارلايدى اكىمدىكتىڭ باسپا ءسوز قىزمەتى.

مارات تۇردىبەك ۇلى قازاقستان رەسپۋبليكاسى پارلامەنت ءماجىلىسىنىڭ تۇڭعىش ءتوراعاسى بولدى. ول «تۇراقتىلىقتان وسۋگە» اتتى ەكونوميكالىق باعدارلامانى جازدى، العاشقى سالىق كودەكسىن، قازاقستاننىڭ تاۋەلسىزدىگى تۋرالى دەكلاراسيانى ازىرلەۋگە قاتىستى.

كەش «مارات وسپانوۆتىڭ ءومىرىنىڭ كودەكسى» قۇجاتتى ءفيلمىن كورسەتۋمەن باستالدى.

الماتى قالاسىنىڭ اكىمى باقىتجان ساعىنتايەۆ قۇتتىقتاۋ ءسوز سويلەدى، مارات تۇردىبەك ۇلىنىڭ ايرىقشا ساياسي كورەگەندىگىن اتاپ ءوتتى.

– قازاقستان رەسپۋبليكاسى پارلامەنتى ماجىلىسىنە العاشقى ءتوراعالىق ەتكەن كەزىندە مارات تۇردىبەك ۇلى تەرەڭ ءبىلىمىن كورسەتتى. سول ءبىر اۋىر كەزدە ەلىمىزدىڭ ساۋلەتتى بولاشاعى ءۇشىن جاڭا زاڭدار قابىلداۋ وتە ماڭىزدى ەدى. مارات تۇردىبەك ۇلى ومىرشەڭ زاڭداردىڭ قابىلدانۋىنا تىكەلەي جاۋاپ بەردى جانە ولاردى دەر كەزىندە جۇزەگە اسىرا ءبىلدى، – دەدى الماتى اكىمى ب. ساعىنتايەۆ.

اباي اتىنداعى وپەرا جانە بالەت تەاترىنىڭ ساحناسىندا №4 زاعيپتار مەن ناشار كورەتىن بالالار مەكتەپ-ينتەرناتىنىڭ حالىق اسپاپتارى وركەسترى سەرىك ءنۇرتازيننىڭ ديريجەرلىك ەتۋىمەن «ورلەۋ» كۇيىن ورىندادى. №4 زاعياتار مەن ناشار كورەتىن بالالار مەكتەپ-ينتەرناتىنىڭ تۇلەگى ەرحات تاجىبايەۆ «دۋداراي» ءانىن ورىندادى. ءى have nothing (Whitney Houston) ءانىن «قازاقستان داۋىسى» جوباسىنىڭ جەڭىمپازدارى دىنمۇحامەد داۋلەتوۆ جانە الەنا كوگاي ايتتى، اباي اتىنداعى وپەرا جانە بالەت تەاترىنىنىڭ ارتيستەرى جانە باسقالار ونەر كورسەتتى.