ماسكەۋ پوليسياسى "روسبالت" اگەنتتىگىنىڭ ءجۋرناليسى الەكساندر شۆاريەۆ رەسەيلىك كاسىپكەر الىشەر ۋسمانوۆ تۋرالى جالعان اقپارات تاراتىپ، قازاقستاندىق كاسىپكەر كەڭەس راقىشيەۆتى بوپسالادى دەپ ايىپتالدى – دەپ Qamshy.kz اقپارات اگەنتتىگى حابارلايدى، interfax.ru -عا سىلتەمە جاساپ.

قورعاۋشىلاردىڭ ايتۋىنشا، تەرگەۋ ءجۋرناليستىڭ قازاقستاندىق كاسىپكەر كەڭەس راقىشيەۆتان شىندىققا جاناسپايتىن مالىمەتتەردى الىپ تاستاۋ ءۇشىن 50 000 دوللاردان استام اقشا بەرۋدى تالاپ ەتىپ، رەسەيلىك كاسىپكەر الىشەر ۋسمانوۆ تۋرالى جالعان اقپارات تاراتقان دەگەن تۇجىرىمعا كەلگەن.

ال "كەڭەس راقىشيەۆتىڭ باسپا ءسوز قىزمەتىندەگى انونيم قىزمەتكەر ءبىر سايتقا راقىشيەۆ تۋرالى ماتەريالداردى الىپ تاستاۋ قاجەتتىگى تۋرالى جازىپتى. وعان جاۋاپ رەتىندە "بەلگىسىز تۇلعالاردان" بۇل قىزمەتكە اقى تولەۋ قاجەتتىگى تۋرالى حابارلاما كەلگەن"،  – دەپ سەندىرەدى شۆاريەۆ.

قازىرگى تاڭدا ادۆوكاتتار ءجۋرناليستىڭ لاتۆيادا ەمدەلىپ جاتقانىن ايتادى. كەلەسى دۇيسەنبىدە سوت اتالمىش ىسكە بايلانىستى سىرتتاي قاماۋعا الۋ ماسەلەسىن قاراستىرماق.

قورعاۋشى شۆاريەۆكە تاعىلعان ايىپتار ۇزاققا سوزىلماي، ايىپتاۋ ۇكىمى شىعارىلدى دەيدى. ال جۋرناليست وزىنە تاعىلعان ايىپتاردى ۇزىلدى-كەسىلدى جوققا شىعارادى.

ەسكە سالساق، قازاقستاندىق كاسىپكەر كەڭەس راقىشيەۆ – 2004-2008 جىلدارى الماتى قالاسىنىڭ اكىمى بولىپ ىستەگەن، بۇگىندە رەسەيدىڭ توتەنشە جانە وكىلەتتى ەلشىسى يمانعالي تاسماعامبەتوۆتىڭ كۇيەۋ بالاسى.

قازاقستاندىق Forbes جۋرنالى راقىشيەۆتىڭ بايلىعىن 610 ميلليون دوللارعا باعالايدى. باسىلىمنىڭ مالىمەتىنشە، راقىشيەۆ Fincraft Investment House (بۇرىنعى بتا سەكيۋريتيز دەپ اتالادى)، Fincraft Resources وندىرىستىك حولدينگتەرىنىڭ (بۇرىنعى SAT & Company) باقىلاۋ پاكەتىنە، Standard Standard كومپانياسى، NetElement فينتەح كومپانياسى جانە رەسەيدىڭ التىن ءوندىرۋشى كومپانياسىنداعى اكسيالارعا يەلىك ەتەدى. سونىمەن قاتار، كاسىپكەر 2015 جىلدان بەرى قىرعىزستان، بەلارۋس جانە ۋكرايناداعى بىردەي اتاۋلى بانكتەرگە يە بتا بانكىنىڭ 98 پايىز اكسيالارىنا يەلىك ەتەدى.