ۇكىمەت باسشىسىنىڭ ءبىرىنشى ورىنباسارى اسقار ماميننەن قارجى ءمينيسترى ءاليحان سمايىلوۆ ون ايدىڭ قورىتىندىسى بويىنشا بيۋدجەت قاراجاتىن يگەرمەگەنى ءۇشىن ورتالىق جانە جەرگىلىكتى مەملەكەتتىك ورگانداردىڭ باعدارلامالار جەتەكشىلەرىن جاۋاپقا تارتۋدى سۇرادى، – دەپ حابارلايدى.

"وكىنىشكە قاراي، بيۋدجەتتىڭ ءۇش رەت ناقتىلانىپ، ەكى رەت تۇزەتىلۋىنە قاراماستان، ورتالىق مەملەكەتتىك ورگاندار مەن جەرگىلىكتى جەرلەردە 10 ايدىڭ قورتىندىسى بويىنشا قوماقتى سوما يگەرىلمەي قالعان. سول سەبەپتى، اسقار ۇزاقباي ۇلى بيۋدجەت قاراجاتىنىڭ يگەرىلمەۋىنە سەبەپشى بولعان ورتالىق جانە جەرگىلىكتى مەملەكەتتىك ورگانداردىڭ ءتيىستى بيۋدجەتتىك باعدارلامالار جەتەكشىلەرىن جاۋاپقا تارتۋدى سۇرايمىن"، –  دەدى سمايىلوۆ.

ءمينيستردىڭ مالىمدەۋىنشە، رەسپۋبليكالىق بيۋدجەتتىڭ شىعىستارى 9 تريلليون 565 ميلليارد تەڭگەنى نەمەسە 99،2%ء-تى قۇرادى.  ونىڭ ىشىندە 79 ميلليارد تەڭگە ورىندالعان جوق، 11 ميلليارد تەڭگەسى ۇنەمدەلگەن. ال 68 ميلليارد تەڭگە يگەرىلمەگەن.

"بۇل جەردە ناقتىلانعان بيۋدجەتتىڭ وزگەرىستەرى ەسكەرىلگەن جوق. ولار قاراشا ايىندا كورىنىس تابادى"، – دەپ  ۇكىمەت وتىرىسىندا ۆيسە-پرەمەر جاۋاپ بەردى.

 سونداي-اق قارجى ءمينيسترى:  "ول تۇزەتۋلەر بيۋدجەت قارجىسىن ءتيىمسىز جوسپارلاۋ جانە پايدالانۋدا جاۋاپكەرشىلىكتى كۇشەيتۋگە باعىتتالعان. وسى زاڭ بۇزۋشىلىقتارعا ەندى اكىمشىلىك جاۋاپكەرشىلىك كوزدەلىپ وتىر. بۇل رەتتە، اكىمشىلىك جاۋاپكەرشىلىككە بيۋدجەتتىك باعدارلامالاردىڭ جەتەكشىلەرى عانا ەمەس، ورتالىق جانە جەرگىلىكتى مەملەكەتتىك ورگانداردىڭ ءبىرىنشى باسشىلارى دا تارتىلادى"، – دەپ ءسوزىن تۇيىندەدى.