ىشكى ىستەر مينيسترلىگى ەكس پرەمەر-مينيستر سەرىك احمەتوۆ پەن ەكس-ۇلتتىق ەكونوميكا ءمينيسترى قۋاندىق بيشىمبايەۆتىڭ ءىسىن قاراعان تانىمال تەرگەۋشى ولەسيا كەكسەلگە قاتىستى سوتقا دەيىنگى تەرگەۋدى باستادى، – دەپ Qamshy.kz اقپارات اگەنتتىگى حابارلايدى.
"ازامات ە.ي.نابييەۆتىڭ ارىزى بويىنشا سوتقا دەيىنگى تەرگەۋ امالدارى جۇرگىزىلىپ جاتىر، ونىڭ بارىسىندا ارىزدانۋشىنىڭ دالەلدەرى تەكسەرىلەدى. سوتقا دەيىنگى تەرگەۋدىڭ مالىمەتتەرى جاريا ەتىلمەيدى"، – دەپ قازاقستان ءىىم باسپا ءسوز قىزمەتى ءمالىم ەتتى.
ارىز بەرۋشى ەرلان نابييەۆ – "Energo" ج ش س ديرەكتورى، ول بۇرىنعى ەنەرگەتيكا ۆيسە-مينيسترى اناتوليي شكارۋپانىڭ ءىسى بويىنشا كۇدىكتى رەتىندە جاۋاپ بەرىپ جاتىر.
"قىلمىستىق ءىس نابييەۆتىڭ ارىزى نەگىزىندە باس پروكۋراتۋرانىڭ ارنايى پروكۋرورلار قىزمەتىنىڭ بۇرىنعى باسشىسى ولەسيا كەكسەل مەن پروكۋرور باۋىرجان عابباسوۆقا قاتىستى ازاپتاۋ فاكتىسى بويىنشا تەرگەلۋدە"، – دەپ ادۆوكات حاميدا ايتقالييەۆا Facebook جەلىسىندە ىشكى ىستەر مينيسترلىگى باستاعان تەرگەۋدى ءتۇسىندىردى.
قىلمىستىق ءىس بويىنشا باس پروكۋراتۋرانىڭ قىزمەتكەرلەرى قىلمىستىق كودەكستىڭ 146-بابىنىڭ 1-بولىگى – تەرگەۋشىنىڭ، انىقتاۋشى تۇلعانىڭ نەمەسە ولاردىڭ رۇقساتىمەن باسقا ادامنىڭ ازاپتالۋشىدان نەمەسە وزگە ادامنان اقپارات الۋ نەمەسە مويىنداتۋ ماقساتىندا قاساقانا دەنە جانە (نەمەسە) پسيحيكالىق ازاپ شەكتىرۋى بويىنشا كۇدىككە ءىلىندى.
سونداي-اق كىنالى ادامعا بەس مىڭ ايلىق ەسەپتىك كورسەتكىش (2019 جىلى 1 اەك – 2525 تەڭگە) مولشەرىندە ايىپپۇل سالىنادى نەمەسە ءۇش جىلعا دەيىن بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرىلىپ، بەس جىلعا دەيىن باس بوستاندىعىنان ايىرىلۋى مۇمكىن.
