ەلباسىنىڭ باستاماسىمەن قۇرىلعان قازاقستان حالقى اسسامبلەياسى تالاي جىلدىڭ بەدەرىندە سان ۇلت پەن ۇلىستارعا ۇلگى بولۋدا. بىرلىك پەن تاتۋلىقتى تۋ ەتكەن اسسامبلەيالىقتار يگى ىستەرگە ۇيىتقى بولىپ عانا قويماي، ۇمىت بولعان جاڭعىرتىپ، باردى جاڭاشا جاھانداندىرۋدا. ءوز كەزەگىندە ەلىمىزدە كەڭ بايتاق قازاقستاندا تۇرىپ جاتقان ۇلتتار مەن ۇلىستاردىڭ ءسالت-داستۇرى مەن ادەت-عۇرپىن ساقتاۋعا بارىنشا ەركىندىك بەرۋدە دەپ جازادى Qamshy.kz اقپارات اگەنتتىگى. ماسەلەن پولشا مەملەكەتىندە 1 قاراشا كۇنى ومىردەن كەتكەن بارلىق جاقىن ادامداردى ەسكە الاتىن كۇن بولىپ سانالادى. پولياك حالقى دۇنەيدەن وزعان جاقىندارىن ءجيى ەسكە الىپ، ولارعا زور قۇرمەتپەن قارايدى. قاراشا ايى جاقىنداعان ساتتە پولشا كوشەلەرىنىڭ كەز-كەلگەن دۇكەندەر سورەلەرىنەن شامداردى ءجيى كەزدەستىرۋگە بولادى. بۇل وسى كۇنى پولياك حالقىنىڭ جاقىن ادامدارىنىڭ زيراتتارىندا تۇتاتاتىن شام.
بۇل كۇنى زيرات باسى جارىقتاندىرىلادى. ويتكەنى ءاربىر قابىردە وسىنداي شامنىڭ ءبىر ەمەس، ونداعانى جانىپ تۇرادى. بۇل زيراتتاردى مۇقيات جيناپ، گۇلدەرمەن اشەكەيلەيدى.
ءدال وسى كۇنى زيرات وتە جارىقتاندىرىلادى، ويتكەنى ءاربىر قابىردە وسىنداي شامنىڭ ءبىر ەمەس، ونداعانى جانىپ تۇرادى. سونداي-اق، وسى مەرەكە قارساڭىندا زيراتتاردى مۇقيات جيناپ، گۇلدەرمەن اشەكەيلەيدى.
وسىعان بايلانىستى قازاقستان حالقى اسسامبلەياسى وبلىستىق فيليالىنا قاراستى «پولونەز» پولياك ءتىلى مەن مادەنيەتى ورتالىعى قوعامدىق بىرلەستىگىنىڭ وكىلدەرى جامبىل وبلىسىنداعى جەرلەنگەن پولياك ساربازدارىن ەسكە الادى.
وبلىستا پولياك ەتنوسىنىڭ جاۋىنگەرلەرى ءۇش وڭىردە جەرلەنگەن. ولار مەركە، ت.رىسقۇلوۆ اۋداندارىندا جانە شوتپاك ستانسياسىندا. وسى جىلى ولار پولياك ساربازدارى جەرلەنگەن بارلىق ورىنداردى ارالاپ شىقتى.
ءبىرىنشى كۇنى كوپتەگەن پولياك جاۋىنگەرلەرى جاتقان شوتپاك ستانسياسىنا باردى. سونداي-اق، شىمكەنت قالاسىنىڭ پولشا ورتالىعى مەن الماتى قالاسىنداعى پولشا رەسپۋبليكاسىنىڭ ەلشىسى ميحال بوگدانوۆيچپەن كەزدەسۋ ءوتتى.
كەلەسى كۇنى دوستىق ۇيىندە ەلشىنىڭ پولشاداعى ءبىلىم بەرۋ، ۆيزا الۋ، پولياك كارتاسىن الۋ ماسەلەلەرى بويىنشا كەزەكشىلىگى ءوتتى. «پولونەز» قوعامدىق بىرلەستىگىنىڭ وكىلدەرى سونداي-اق، مەركى اۋدانى سىپاتاي باتىر اۋىلىندا جانە ت.رىسقۇلوۆ اۋدانىندا پولياك سولداتتارىنىڭ مازارىنا بارىپ، گۇل شوقتارى مەن شامدارىن قويدى.
پىكىر قالدىرۋ