بۇگىندە تاراز قالاسى توتىداي تارانىپ، كۇننەن كۇنگە كوركەيىپ كەلە جاتقانى بەلگىلى. بۇل ەڭ ءبىرىنشى مەملەكەتتىك باعدارلامالاردىڭ تيگىزىپ جاتقان شاراپاتى ەكەنى داۋسىز. اسىرەسە سوڭعى جىلدارى سالالىق باعدارلامالار اياسىندا بوي كوتەرىپ جاتقان تۇرعىن ۇيلەر تۇرعىنداردىڭ تۇرمىسىن تۇزەپ، الەۋمەتتىڭ الەۋەتىن ارتتىرۋدا، دەپ جازادى Qamshy.kz اقپارات اگەنتتىگى. 

جالپى بۇگىنگى تاڭدا قالادا 80 پاتەرلى 19 تۇرعىن ءۇي پايدالانۋعا بەرىلىپ، 80 جانە 60 پاتەرلى 16 تۇرعىن ءۇيدىڭ قۇرىلىسى جۇرگىزىلۋدە. سونداي-اق الەۋمەتتىك جاعدايى تومەن، كوپبالالى وتباسىلارعا ارەندالىق 80 پاتەرلى 11 تۇرعىن ءۇيدىڭ قۇرىلىسىنا قالا بيۋدجەتىنەن 22،0 ميلليون تەڭگە قارجى قاراستىرىلعان. مەملەكەتتىك قوردان تۇرعىن ءۇي الۋ كەزەك تىزىمىنە تىركەلگەن ازاماتتارعا 2019 جىلدىڭ مامىر ايىندا 140 پاتەر بەرىلدى. ونىڭ ىشىندە كوپبالالى وتباسىلار 65 پاتەرمەن قامتاماسىز ەتىلدى. اعىمداعى جىلى كوپبالالى وتباسىلارعا ارناپ سالىنعان 142 پاتەرگە بيۋدجەتتەن 1 ملرد. 191،0 ملن تەڭگە قارجى قاراستىرىلدى. ونداعى 3 بولمەلى پاتەرلەردىڭ كولەمى 60-90 شارشى مەتردەن كەم بولمايدى جانە قۇنى 8 ملن. 400،0 مىڭ تەڭگەدەن اسپايدى. ەندىگى كەزەكتە مەملەكەتتىك ساتىپ الۋ جۇمىستارى جۇرگىزىلۋدە.

«نۇرلى جەر» تۇرعىن ءۇي قۇرىلىسى باعدارلاماسى اياسىندا سۇلەيمەنوۆ كوشەسىنىڭ اياقتالار تۇسىنان 10 مىڭ 300 وتباسىعا ارنالعان 280 كوپقاباتتى ءۇيدىڭ قۇرىلىسى جۇرگىزىلۋدە. سۇلەيمەنوۆ كوشەسىندە رەسپۋبليكالىق بيۋدجەتتەن جارتىلاي از قامتىلعان كوپبالالى وتباسىلار ءۇشىن 80 پاتەرلى 4 ءۇي جانە وبلىستىق بيۋدجەت ەسەبىنەن 80 پاتەرلى ءبىر ءۇيدىڭ قۇرىلىسى باستالدى. ۇستىمىزدەگى جىلى 15ء-شى مولتەك اۋدانىندا نەسيەگە بەرىلەتىن 80 پاتەرلى 10 ءۇي پايدالانۋعا بەرىلدى. سونداي-اق اتالعان القاپتا جەرگىلىكتى اتقارۋشى ورگانداردىڭ وبليگاسيالار شىعارۋ جولىمەن 60 پاتەرلى 11 ءۇيدىڭ قۇرىلىسى قولعا الىنۋدا.

«7-20-25» باعدارلاماسىنا كەلسەك، «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامىنىڭ «اراي-2» مولتەك اۋدانىنداعى 80 پاتەرلى 6 ۇيدەن قالعان 102 پاتەر جانە سۇلەيمەنوۆ كوشەسىنىڭ سوڭىنداعى 15ء-شى مولتەك اۋدانىنداعى 80 پاتەرلى 9 ۇيدەن قالعان 295 پاتەردى ساتىلىمعا ۇسىنۋ ءۇشىن ەكىنشى دەڭگەيلى بانك قىزمەتكەرلەرىنىڭ كەستەسى بەكىتىلگەن. «7-20-25» يپوتەكالىق باعدارلاماسىن جۇزەگە اسىرۋ ءۇشىن قويگەلدى كوشەسى №173 ۇيدەن ارنايى ورتالىقتاندىرىلعان ءتۇسىندىرۋ ءوفيسى قۇرىلدى. كەڭسەنىڭ باستى ماقساتى باعدارلاماعا قاتىسۋشى بارلىق ەكىنشى دەڭگەيدەگى بانكتەردىڭ وكىلدەرىن ءبىر جەرگە شوعىرلاندىرىپ، قالا تۇرعىندارىن مالىمەتتىك كەڭەستەر، جەڭىلدىكتەر تۋرالى حاباردار ەتۋ، سول ارقىلى يپوتەكالىق باعدارلامانى قارقىندى جۇزەگە اسىرۋ بولىپ تابىلادى. مۇندا باعدارلاما بويىنشا «اراي» تۇرعىن القابى، سۇلەيمەنوۆ كوشەسىنىڭ سوڭىنداعى 15ء-شى شاعىن اۋدانداعى جاڭا ۇيلەردەن پاتەر الۋعا تۇرعىنداردان وتىنىشتەر قابىلدانادى. سونىمەن قاتار ءتۇسىندىرۋ كەڭسەسىندە سەرىكتەس ەكىنشى دەڭگەيلى بانكتەردەن قۇجاتتاردى راسىمدەۋ، پاتەردىڭ شارشى مەترى مەن بولمەسى، باعاسى تۋرالى تولىق اقپارات بەرىلەدى. اتالعان باعدارلاما بويىنشا كەڭەس الۋعا 1499 ازامات كەلگەن. ونىڭ ىشىندە 1038 ازاماتقا ءتۇسىندىرۋ جۇمىستارى جۇرگىزىلىپ، 164 ازاماتقا «اراي-2»، 297 ازاماتقا 15ء-شى مولتەك اۋدانعا جولداما بەرىلدى.