جامبىل وبلىسى اكىمىنىڭ باسپا ءسوز حاتشىسى نۋرادين راكاي facebook پاراقشاسىندا 12 جاسار ءجاسوسپىرىمنىڭ مەكتەپ اجەتحاناسىندا زورلانعان ىسىنە بايلانىستى ءبىلىم باسقارماسىنىڭ باسشىسى جۇمىستان بوستىلعانىن جازدى، – دەپ Qamshy.kz اقپارات اگەنتتىگى حابارلايدى.

تاراز قالاسىندا ورىن العان جاعدايعا قاتىستى باس-اياعى 11 ادام جاۋاپقا تارتىلدى.

تاراز قالاسىنداعى پب جپق باستىعى پوليسيا پولكوۆنيگى س. م. مامىتبەكوۆ، تاراز ق. پب 2-پب باستىعى پوليسيا پولكوۆنيگى د. ءو. مۇسايەۆ، تاراز ق. پب 2-پب 2-پب باستىعى پوليسيا پودپولكوۆنيگى ن. م. تولەۋىشوۆ، تاراز ق. پب 2-پب يۋۆەنالدىق پوليسيا جۇمىسىن ۇيىمداستىرۋ جونىندەگى اعا ينسپەكتورى، پوليسيا مايورى ە. ۆ. يۋريناعا قاتاڭ سوگىس جاريالاندى.

جالپى ءبىلىم بەرەتىن مەكەمەلەرگە بەكىتىلگەن كامەلەتكە تولماعانداردىڭ ىستەرى جونىندەگى ۋچاسكەلىك ينسپەكتور، پوليسيا مايورى ن. ك. رىسبايەۆ ىشكى ىستەر ورگاندارىنان شىعارىلدى.

ءبىلىم سالاسى بويىنشا اتالمىش وقۋ ورنىنىڭ مەكتەپ ديرەكتورى ل.سمانوۆا ءوز ەركىمەن جۇمىستان بوساتىلدى.

 سونىمەن قاتار، مەكتەپ ۆاحتەرى گ.نۋرشابايەۆا، ديرەكتوردىق قۇقىقتىق ءىسى جونىندەگى ورىنباسارى ا. ۋزبەكوۆا، اجەتحاناعا سۇرانعان وقۋشىنى جىبەرىپ، ساباق بىتكەنشە ىزدەمەگەن فيزيكا-ماتەماتيكا ءپانىنىڭ ءمۇعالىمى ۆ.كيم، مەكتەپ ىشىندەگى كەزەكشىلىككە جاۋاپتى قازاق ءتىلى ءپانىنىڭ ءمۇعالىمى ب.بايكۋلوۆا ءوز وتىنىشتەرى نەگىزىندە قىزمەتتەرىنەن بوساتىلدى.

قوعامدىق رەزونانس تۋدىرعان ماسەلەگە بايلانىستىق وبلىستىق ءبىلىم باسقارماسىنىڭ باسشىسى تۇرماحانبەتوۆا راحيا سەيىتبەك قىزى دا ءوز ەركىمەن جۇمىستان بوساتىلدى.

ەسكە سالا كەتەيىك، ورىن العان وقيعاعا قاتىستا وبلىس باسشىسى ءتيىستى سالا ماماندارىنا تاۋداي تالاپ جۇكتەپ، ناقتى شەشىمدەر قابىلداعان ەدى. بۇگىندە سول تاپسىرمالار ورىندالا باستادى.