ت. رىسقۇلوۆ اۋدانى اكىمدىگى ءبىلىم ءبولىمىنىڭ ۇيىمداستىرۋىمەن ءاليحان بوكەيحانوۆ اتىنداعى ورتا مەكتەپتە «IQanat» وليمپياداسىنىڭ اۋداندىق كەزەڭى بولىپ ءوتتى. «IQanat» وليمپياداسى قابىلەتتى وقۋشىلاردى انىقتاۋ، زياتكەرلىك باستامالارىن جانداندىرۋ جانە شەت مەملەكەتتەر مەن قازاقستان رەسپۋبليكاسىنداعى جوعارعى وقۋ ورنىنا ءتۇسۋ گرانتتارىنىڭ يەگەرى اتانۋىنا قولداۋ كورسەتۋ ماقساتىندا ۇيىمداستىرىلدى.
اۋدان مەكتەپتەرىنىڭ 9 سىنىپ وقۋشىلارى اراسىندا ۇيىمداستىرىلعان «IQanat» وليمپياداسىنىڭ اۋداندىق كەزەڭى «IQanat» وليمپياداسىن ۇيىمداستىرۋ جانە وتكىزۋ تۋرالى» ەرەجەسىنە ساي «ەرۋديت» ەسسە كونكۋرسى، ماتەماتيكا، فيزيكا، اعىلشىن ءتىلى پاندەرىنەن وتكىزىلدى.
بۇل جوبا تەك اۋىل مەكتەپتەرىندەگى قابىلەتتى وقۋشىلاردى انىقتاپ، شەت مەملەكەتتەر مەن قازاقستان رەسپۋبليكاسىنداعى جوعارى وقۋ ورىندارىنا ءتۇسۋ گرانتتارىنىڭ يەگەرى اتانۋىنا زور مۇمكىندىك بەرەدى. جوبا ءىىى كەزەڭنەن تۇرادى: اۋداندىق، وبلىستىق، رەسپۋبليكالىق.
رەسپۋبليكالىق كەزەڭىنىڭ جەڭىمپازدارى اتانعان وقۋشىلار ونلاين رەجيمىندە وقىتۋ پلاتفورماسى ارقىلى جوعارى وقۋ ورىندارىنىڭ قابىلداۋ ەمتيحاندارىنا دايىندالا الادى.
اتالمىش وليمپياداعا اۋدان مەكتەپتەرىنىڭ 403 ۇزدىكتەرى قاتىسىپ ب ا ق سىناستى. «IQanat ءبىلىم قورى» قوعامدىق قورىنىڭ ايماقارالىق كوورديناتورى تولقىن نارتايەۆا وليمپيادانى اشىپ بەرىپ، وليمپيادانىڭ ءوتىلۋ بارىسىنا توقتالدى. اۋداننىڭ مەرەيىن اسقاقتاتار ۇمىتكەرلەرگە شالقار شابىت پەن تولاعاي تابىستار تىلەدى.
اۋداندىق ءبىلىم ءبولىمىنىڭ ادىستەمەلىك كابينەتىنىڭ مەڭگەرۋشىسى داۋرەنبەكوۆا راۋشان وسكەن قىزى «دارىن جەكە جەتىلمەيدى، دارىندار سايىسا ءجۇرىپ، ءبىرىن-بىرى جەتەلەيدى» دەگەندەي، وقۋشىلاردىڭ العان بىلىمدەرى مەن داعدىلارىن ءىس جۇزىندە ساراپقا سالاتىن جاۋاپتى كۇن ەكەندىگىن ايتا كەلە، ۇمىتكەرلەرگە عىلىم مەن ءبىلىم جولىندا بيىككە سامعاۋلارىنا تىلەكتەستىگىن ءبىلدىرىپ، وليمپيادانىڭ وتۋىنە قولداۋ كورسەتە وتىرىپ، جوبانىڭ ءتيىمدى تۇستارىن اتاپ وتسە، مەكتەپ ديرەكتورى نۋرگۋل شۋلاكوۆا وتكەن كۇننىڭ ۇزىگى مەن كەلەر كۇننىڭ ءۇمىتىن جالعار بالالارىمىزدىڭ عۇمىرىنىڭ ۇزاق بولىپ، قازاقستاننىڭ بولاشاعىن كوركەيتەر ازاماتتار بولىپ وسەتىنىنە سەنىم ءبىلدىرىپ، وليمپيادا قاتىسۋشىلارىنا ساتتىلىك تىلەدى.
اۋەلەتە شىرقالعان ءان مەن قازاقى دومبىرانىڭ كۇمبىرلەتە توگىلگەن كۇمىس ءۇنى وليمپيادانىڭ سالتاناتتى اشىلۋىنىڭ اجارىن اشا ءتۇستى. تاراز قالاسى «Silk way star» حالىقارالىق بايقاۋىنىڭ باس جۇلدە يەگەرى سەرىك ازامات «قازاق ەلى» ءانىن جانە رەسپۋبليكالىق «جاس جۇلدىز» تەليەۆيزيالىق بايقاۋىنىڭ باس جۇلدە يەگەرى سەرىكباي ارسەن «جاسا، قازاقستان» ءانىن شىرقاسا، «مەكتەپ» ءانسامبلى قۇرمانعازىنىڭ «بالبىراۋىن» كۇيىن پاش ەتتى.
