اياز سالدارىنان ەسكى كولىكتەردىڭ تۇتانۋى جيىلەپ كەتتى، - دەپ Qamshy.kz اقپارات اگەنتتىگى حابارلايدى، pavlodarnews -كە  سىلتەمە جاساپ.

  وبلىستىق تجد باسپا ءسوز قىزمەتىنىڭ مالىمدەۋىىنشە، 20 قاراشادا ساعات 15:20-دا اقسۋ قالاسىنىڭ ءاليا مولداعۇلوۆا كوشەسىندە 1999 جىلى شىعارىلعان Mercedes-Benz اۆتوكولىگىنىڭ قوزعالتقىش بولىگىندە رەزەڭكە-تەحنيكالىق بۇيىمدار، سالون پانەلدەرى، جالپى اۋدانى ءۇش شارشى مەتر ەكى الدىڭعى دوڭعالاق ورتەندى.

ال  ساعات 07:54-تە جەلەزين اۋدانىنىڭ اۋدان ورتالىعىندا 1994 جىلعى Audi A6 اۆتوكولىگىنىڭ قوزعالتقىش بولىگىندە 1،5 شارشى مەتر اۋماقتا تەحنيكالىق بۇيىمدار جانعان.

سونداي-اق 17:51-دە پاۆلودار قالاسىندا ماكسيم گوركيي كوشەسى، 41/1 مەكەنجايى بويىنشا اشىق اۋماقتا 1997 جىلى شىققان مينيۆەن ءتيپتى شاناعى بار Volkswagen اۆتوكولىگى التى شارشى مەتر الاڭدا جانىپ كەتتى. اۆتوموبيل گازبەن جۇرەدى.

ودان وزگە ساعات 18:01-دە ەكىباستۇز قالاسى اۋەزوۆ كوشەسى، 38 مەكەنجايىندا ورنالاسقان 1997 جىلى شىعارىلعان Volkswagen Passat اۆتوكولىگىندە قوزعالتقىش بولىگىندە 1،5 شارشى مەتر اۋماقتا موتور-تەحنيكالىق بولىگى جانعان.

"كولىكتەردەن ءورتتىڭ شىعۋىنا ەلەكتر سىمدارىنىڭ قىسقا تۇيىقتالۋى سەبەپ بولعان. سوندىقتان جۇرگىزۋشىلەرگە ساق بولۋعا كەڭەس بەرەمىز. كەلتىرىلگەن شىعىن كولەمى انىقتالىپ جاتىر" – دەپ، دەپارتامەنت وكىلدەرى جاۋاپ بەردى.