2019 جىلدىڭ 21 قاراشاسىنان باستاپ، الماتى قالالىق اكىمدىگى جانىنان قۇرىلاتىن جاستار ءىسى جونىندەگى «كەڭەسكە» جاس كوشباسشىلاردى قابىلداۋ جۇمىستارى باستالادى. كەڭەستىڭ قۇرامىنا كىرۋگە قالامىزدىڭ 18 بەن 35 جاس ارالىعىنداعى ازاماتتارى مەن ازاماتشالارى ءوتىنىش بەرە الادى.
نازار اۋدارىڭىز!
بىرىنشىدەن، كەڭەسكە وكىلدەردى ىرىكتەۋ تەك ونلاين داۋىس بەرۋ ارقىلى جۇرگىزىلەدى؛
ەكىنشىدەن، جاستار كەڭەسىنە جاستار ۇيىمدارىنىڭ وكىلدەرى عانا ءوزىن ۇمىتكەر رەتىندە ۇسىنا الادى.
قالالىق «جاستار كەڭەسىنە» تەك ەڭ كوپ داۋىس جيناعان 21 ادام عانا قابىلدانادى. داۋىس بەرۋ ونلاين رەجىمدە https://almatyjastary.kz/ سايتىندا جۇرىلەدى. ول ءۇشىن (تىركەلۋ جانە قاتىسۋ ءۇشىن) اتالعان سايتتىڭ «جاستار كەڭەسى» رۋبريكاسىنداعى «تىركەلۋ» بولىمىندە ءوتىنىش قالدىرۋىڭىز كەرەك.
كەڭەس بەرۋ جانە اقىلداستار القاسىنىڭ نەگىزگى ماقساتى:
- جاستار ساياساتىن جۇزەگە اسىرۋ بويىنشا بەرىلەتىن نۇسقاۋلىقتاردى وڭدەۋ؛
- جاستار ساياساتى بويىنشا تاپسىرمالاردىڭ تيىمدىلىگى تۋرالى ساراپتاما؛
- جاستار ساياساتىنا باعىتتالعان باستى ۇسىنىستاردى جۇزەگە اسىرۋ؛
- جاستار ساياساتىن جۇزەگە اسىرۋعا قاتىستى ماسەلەلەردى تالقىلاۋ؛
- جاستار ساياساتىن جۇرگىزۋ، دامىتۋعا ۇلەس قوسۋ؛
- جاستار ماسەلەلەرىنە قاتىستى قوعامدىق ساۋالدارعا جاۋاپ بەرۋ جانە ت.ب.
قۇرمەتتى، الماتىلىقتار، ءوز يدەيالارىڭىزدى جۇزەگە اسىرىپ، ەل بولاشاعى جاستار ساياساتىنا ىقپال ەتۋ مۇمكىندىگىن جىبەرىپ الماڭىزدار! بارلىق تالانتتى، باستاماشىل، جاستار كوشباسشىلارىنا ساتتىلىك تىلەيمىز!
پىكىر قالدىرۋ