"الماتى-ەكاتەرينبۋرگ" تاسجولىنداعى جول-كولىك وقيعاسىنان 2 ادام كوز جۇمىپ، بىرنەشە جابىرلەنۋشى اۋرۋحاناعا جەتكىزىلدى – دەپ حابارلايدى، وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
وقيعا بۇگىن ساعات 11:30 شاماسىندا اۋليەكول اۋدانىندا بولدى.
"23 جاستاعى نۇر-سۇلتان قالاسىنىڭ تۇرعىنى مىنگەن "داتسۋن" كولىگى جولدان شىعىپ كەتىپ، قارسى باعىتتاعى "حوندا" ماشيناسىنا سوقتىعىسقان. ودان ءارى "گازەل" اۆتوكولىگى "داتسۋن" كولىگىن سوقتى. "گازەلدى" 26 جاستاعى قوستاناي قالاسىنىڭ تۇرعىنى باسقارعان. "داتسۋن" كولىگىندەگى 1999 جانە 1973 جىلى تۋعان جولاۋشىلار كوز جۇمدى. تاعى 3 ادام اۋليەكول اۋداندىق ورتالىق اۋرۋحاناسىنا جەتكىزىلدى"، – دەپ پوليسيانىڭ باسپا ءسوز قىزمەتى ءمالىم ەتتى.
قازىرگى ۋاقىتتا قىلمىستىق ىسكە بايلانىستى ق ر قك 345-بابى 4-بولىگىمەن («ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ») سوتقا دەيىنگى تەرگەۋ جۇمىستارى باستالدى.
پىكىر قالدىرۋ