الماتىدا اقىن، بەلگىلى مەملەكەت جانە قوعام قايراتكەرى فاريزا وڭعارسىنوۆانىڭ اتىنا بەرىلگەن كوشەنىڭ رەسمي تۇردە اشىلۋى ءوتتى. پوەزيا پاديشاسىنىڭ قۇرمەتىنە الاتاۋ اۋدانىنداعى ۇزىندىعى 4 شاقىرىمنان اساتىن بۇرىنعى اقساي كوشەسى بەرىلدى.
شاراعا اقىننىڭ جەرلەستەرى، اقىن-جازۋشىلار مەن تۋىستارى، الماتى قالاسى اكىمدىگىنىڭ وكىلدەرى قاتىستى. جينالعاندار ف.وڭعارسىنوۆانىڭ ءومىرى مەن شىعارماشىلىعى تۋرالى ەستەلىكتەرمەن ءبولىستى.
الماتى قالاسى اكىمىنىڭ كەڭەسشىسى ماماي احەتوۆ اقىننىڭ 80 جىلدىق مەرەيتويىنا ارنالعان شارالارعا توقالا كەلە، اتىراۋدا الىپ ەسكەرتكىشتىڭ بوي كوتەرگەنىن، ەلوردادا كوشە اشىلعانىن اتاپ ءوتتى.
– ءدال سول سەكىلدى مەرەيلى بەلەسىنە وراي الماتى قالاسىندا دا ءدال سونداي شارانىڭ ءبىر كۋاسى بولىپ وتىرمىز. وسى ءبىر اۋىزدان وسى فاريزا اپامىزعا كوشە بەرىلەر كەزدە بۇل بارلىق دەڭگەيلەردە ەلدىڭ مويىنداعاندىعىن كورسەتتى، – دەدى ماماي احەتوۆ.
– كوشەگە فاريزانىڭ اتىن بەرۋ – بارشا قازاق قىزدارىنا، اقىن قىزدارىنا كورسەتىلگەن سىي-قۇرمەت. ەندى ءبىزدىڭ اقىندارىمىز كوپ بولعانىمەن، ونىڭ ىشىندە ناعىز اقىندار ساۋساقپەن سانارلىقتاي عوي. مىنە، سوعان قاراعاندا فاريزانىڭ ورنى ەرەكشە. ارامىزدا فاريزا جوق. ءالى كۇنگە شەيىن وسى ولىمگە قيمايتىن ادامدارىڭ بولادى عوي. ماعان ول ءبىر تەلەفون سوعاتىن سياقتى كورىنەدى دە تۇرادى، – دەدى جازۋشى، دراماتۋرگ دۋلات يسابەكوۆ.
پىكىر قالدىرۋ