بريتانيانىڭ ءتارتىپ ساقشىلارى 39 ۆەتنامدىقتىڭ قازاسى تۋرالى ءىستى تەرگەۋ اياسىندا "ابايسىزدا ءولتىردى" دەگەن كۇدىكپەن تاعى ءبىر ەر ادامدى ۇستادى، دەپ ەسسەكس گرافتىعىنىڭ پوليسياسى حابارلايدى.
ria.ru -دىڭ مالىمدەۋىنشە، دۇيسەنبى كۇنى پۋرفليت قالاسىنىڭ 36 جاستاعى تۇرعىنى قۇرىقتالعان.
"39 ۆەتنامدىقتىڭ قازاسى تۋرالى ءىستى تەرگەۋ اياسىندا ابايسىزدا ادام ءولتىردى، ادامداردى زاڭسىز تاسىمالداپ، كوشى-قوندى جۇزەگە اسىرۋ ماقساتىندا ءسوز بايلاستى دەگەن كۇدىكپەن ەر ازامات ۇستالدى"، – دەپ پوليسيا مالىمدەمە جاسادى.
ودان وزگە قۇقىق قورعاۋشىلاردىڭ اقپاراتىنا سۇيەنسەك، قازىرگى تاڭدا كۇدىكتى جاۋاپ الۋ ءۇشىن قاماۋعا الىندى.
باستاپقىدا ولار جۇڭگو ازاماتتارى دەگەن بولجام جاسالدى. كەيىننەن مارقۇمداردىڭ ۆەتنامدىقتار ەكەنى انىقتالدى.
ءتارتىپ ساقشىلارى بىرنەشە ادامدى ۇستادى. ولاردىڭ قاتارىندا جۇك كولىگىنىڭ جۇرگىزۋشىسى سولتۇستىك يرلانديانىڭ 25 جاستاعى موريس روبينسون ەسىمدى ازاماتى بار.
پىكىر قالدىرۋ