Nur Otan پارتياسى الماتى قالالىق فيليالى پارتيا اكتيۆىنىڭ وتىرىسىندا پارتيا كوشباسشىسى، ەلباسى ن.نازاربايەۆتىڭ تاپسىرماسى بويىنشا پارتيانى قايتا جاڭعىرتۋ ماسەلەلەرى قارالدى.

الماتى اكىمى، Nur Otan پارتياسى قالالىق فيليالىنىڭ ءتوراعاسى باقىتجان ساعىنتايەۆ ەلباسىنىڭ 25 قاراشادا Nur Otan پارتياسى وڭىرلىك فيليالدارى وكىلدەرىمەن كەزدەسۋ وتكىزگەنىن ەسكە سالدى. پارتياىق قايتا جاڭعىرۋدىڭ ماڭىزدى ماسەلەلەرى، ونىڭ ىشىندە پارمەندى ەلەكتوراتتى قۇرۋ، پرايمەريز جۇرگىزۋ، پارتيالىق جوبالاردى جۇزەگە اسىرۋ، ءماسليحاتتاردىڭ ءرولىن جانە دەپۋتاتتىق فراكسيالاردىڭ جۇمىستارىن كۇشەيتۋ ماسەلەلەرى قارالدى ءارى تالقىلاندى.

«پارتيانىڭ قالالىق فيليالى قايتا جاڭعىرتۋ، حالىقتى تولعاندىراتىن اكتۋالدى ماسەلەلەردى قاراۋ بويىنشا جۇيەلى جۇمىستار جۇرگىزۋدە. سونىمەن قاتار، باستاۋىش پارتيا ۇيىمدارى مەن Jas Otan جاستار قاناتى بەلسەندىلىك تانىتۋدا، ەلباسىمەن بولعان كەڭەستە جەرگىلىكتى جەردەگى حالىق ءجيى كەلەتىن سەگىز اۋدانداعى ءبىز قۇرعان كونسۋلتاتيۆتى ورتالىقتاردىڭ جۇمىستارى اتاپ ءوتىلدى»، – دەدى ب. ساعىنتايەۆ.

پارتيالىق جاڭعىرتۋ اياسىندا ءجۇرىپ جاتقان جۇمىستار جونىندە Nur Otan پارتياسى قالالىق فيليالى ءتوراعاسىنىڭ ورىنباسارى ستانيسلاۆ كانكۋروۆ تولىعىنان ايتىپ بەردى. بۇلاردان وزگە، قالالىق ءماسليحاتتىڭ، دەپۋتاتتىق فراكسيالاردىڭ، باستاۋىش پارتيا ۇيىمدارىنىڭ جۇمىستارى تۋرالى باياندامالار تىڭدالدى.

اكتيۆتىڭ جۇمىسىنا Nur Otan پارتياسى قالالىق فيليالى ساياسي كەڭەسىنىڭ جانە دەپۋتاتتىق فراكسيالاردىڭ مۇشەلەرى، پارتيانىڭ اۋداندىق فيليالدارى مەن باستاۋىش ۇيىمدارىنىڭ باسشىلارى، پارتيالىق باقىلاۋ كوميسسياسىنىڭ، سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ جانە پارتيانىڭ قالالىق فيليالى باقىلاۋ-تەكسەرۋ كوميسسياسىنىڭ مۇشەلەرى قاتىستى.