شىمكەنت قالالىق ءبىلىم باسقارماسى باسشىسى ورىنباسارىنىڭ مىندەتىن اتقارۋشى ج.د.بازاروۆا الاياقتىق جاساعانى ءۇشىن كىنالى دەپ تانىلىپ، سوت ونى مەملەكەتتىك قىزمەتتە جۇمىس ىستەۋ قۇقىعىنان ءومىر بويىنا ايىرىپ، 3 ميلليون تەڭگە ايىپپۇل سالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى حابارلادى.
اگەنتتىكتىڭ حابارلاۋىنشا، بازاروۆاعا قاتىستى ۇكىم 6 جەتوقساندا شىققان.
"ول ورتا مەكتەپتىڭ ءبىلىم جونىندەگى مەڭگەرۋشىسىنە مەكتەپ ديرەكتورىنىڭ لاۋازىمىنا تاعايىندالۋ ءۇشىن تەست تاپسىرۋعا جاردەم بەرگەنى ءۇشىن ونىڭ 400 مىڭ تەڭگە قاراجاتىن الداۋ جانە سەنىمىن تەرىس پايدالانۋ ارقىلى يەمدەندى دەگەن كۇدىككە ىلىنگەن. 6 جەلتوقساندا شىمكەنت قالاسى ەڭبەكشى اۋداندىق سوتىنىڭ ۇكىمىمەن ج.د. بازاروۆا الاياقتىق جاساعانى ءۇشىن كىنالى دەپ تانىلىپ، مەملەكەتتىك قىزمەتتە لاۋازىم اتقارۋعا ءومىر بويىنا قۇقىعىنان ايىرۋ مەن 3 ميلليون تەڭگە ايىپپۇل سالىندى" - دەلىنگەن ۆەدومستۆو تاراتقان حابارلامدا.
پىكىر قالدىرۋ