سولتۇستىك قازاقستان وبلىسىنىڭ ەكس-اكىمى سەرىك ءبىلالوۆتىڭ ءىنىسى ەرىك ءبىلالوۆتىڭ جەمقورلىققا قاتىسى بار بولۋى مۇمكىن. بۇل تۋرالى سولتۇستىك قازاقستان وبلىسى ەكونوميكالىق تەرگەۋ دەپارتامەنتىنە سىلتەمە جاساعان كتك ارناسى حابارلادى.
كتك-نىڭ حابارلاۋىنشا، وڭىردەگى ەڭ ءىرى قۇس فابريكاسىنىڭ ديرەكتورى ەرىك ءبىلالوۆ پەن ونىڭ باس ەسەپشىسى مەملەكەتتەن سۋبسيديا رەتىندە بولىنگەن 500 ميلليون تەڭگەنى جىمقىردى دەگەن كۇدىككە ءىلىنىپ وتىر.
- سوماسى 534 ميلليون تەڭگەلىك سۋبسيديا اقشاسىن جىمقىرۋ فاكتىسى بار. ءبىراق كۇدىكتىلەر قاماۋعا الىنبادى. ولارعا ايىپ تا تاعىلعان جوق. سوت الدى تەرگەۋ امالدارىنان كەيىن ءىستىڭ انىق-قانىعى بەلگىلى بولادى، - دەدى سقو ەكونوميكالىق تەرگەۋ دەپارتامەنتىنىڭ باسقارما باسشىسى راحىم ماقاجانوۆ.
ەرىك ءبىلالوۆتىڭ ەكى اعاسى دا جوعارى لاۋازىمدى شەنەۋنىك بولعان. سەرىك ءبىلالوۆ ەڭبەك جولىن وسى قۇس فابريكاسىندا زووتەحنيك بولىپ باستاعان. ول 2007-2013 جىلىدارى سولتۇستىك قازاقستان وبلىسىنىڭ اكىمى بولعان. 2013 جىلى وسى وبلىستىڭ اتىنان پارلامەنتتىڭ جوعارى پالاتاسى سەناتقا دەپۋتات بولىپ سايلاندى. ال تاعى ءبىر باۋىرى، گەنەرال بەرىك ءبىلالوۆ اقمولا وبلىسى پوليسيا دەپارتامەنتىنىڭ باستىعى قىزمەتىن اتقارعان.
پىكىر قالدىرۋ