بۇگىن، 12 جەلتوقساندا تاۋەلسىزدىك مەرەكەسىنە وراي ءبىرقاتار ازاماتتاردى مەملەكەتتىك ناگرادامەن ماراپاتتاۋ تۋرالى جارلىققا قول قويعان قازاقستان پرەزيدەنتى قاسىم-جومارت توقايەۆ ەلدىڭ ەكس-پرەزيدەنتى نۇرسۇلتان نازاربايەۆتىڭ ايەلى سارا نازاربايەۆانى ءى دارەجەلى "بارىس" وردەنىمەن ماراپاتتادى.
سارا نازاربايەۆادان بولەك بۇل اتاقتى پارلامەنت ءماجىلىسىنىڭ دەپۋتاتى س.ابدراحمانوۆ، عالىم جانە قوعام قايراتكەرى ءا.احمەتوۆ، جازۋشى ت.ابدىك ۇلى، قازاقستان رەسپۋبليكاسىنىڭ تۇڭعىش پرەزيدەنتى – ەلباسى كەڭسەسىنىڭ باسشىسى م.قاسىمبەكوۆ، «م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى» رمك باس عىلىمي قىزمەتكەرى م.مىرزاحمەت ۇلى وپەرا ءانشىسى ب.تولەگەنوۆا الدى.
سارا نازاربايەۆا - قازاقستاندى ۇزدىكسىز 30 جىلعا جۋىق باسقارىپ، بيىلعى جىلى ناۋرىز ايىندا ءوز ەركىمەن پرەزيدەنت لاۋازىمىنان كەتكەن نۇرسۇلتان نازاربايەۆتىڭ ايەلى. ول "بوبەك" قايىرىمدىلىق قورىنىڭ نەگىزىن قالاعان.
پىكىر قالدىرۋ