ىشكى ىستەر مينيسترلىگى كوشى-قون قىزمەتىن جەڭىلدەتۋ جانە كورسەتىلەتىن مەملەكەتتىك قىزمەتتەردى جەدەلدەتۋ جۇمىستارىن جۇرگىزىپ جاتىر، دەپ حابارلايدى  Qamshy.kz اقپارات اگەنتتىگى ۆەدومستۆونىڭ باسپا ءسوز قىزمەتىنە سىلتەمە جاساپ.

بيىل ءىىم «شەتەلدىكتى شاقىرۋ» قىزمەتىن ەلەكتروندى فورماتقا وزگەرتتى. ەلگە كىرۋگە ارنالعان شاقىرۋدى راسىمدەۋ – ىشكى ىستەر مينيترلىگى كورسەتەتىن ەڭ سۇرانىسقا يە قىزمەتتەردىڭ ءبىرى.

قازاقستانعا كەلگىسى كەلەتىن شەتەلدىكتەر قۇجات جيناپ، قازاقستان ەلشىلىگىنە جەكە كەلىپ، جاۋابىن كۇتۋى كەرەك جانە ول 30 كۇن، ءتىپتى ودان دا ۇزاققا سوزىلىپ كەتەتىن. ەندى بۇل قىزمەتتى ۇيدەن شىقپاي www.vmp.gov.kz پورتالىنان 5 كۇن ىشىندە الۋعا بولادى. پورتالدا شاقىرۋدى راسىمدەپ جاتقان شەتەلدىككە مىنالار قاجەت: 

– ءوتىنىمدى تولتىرىپ، شەتەلدىكتىڭ مالىمەتتەرىن ەنگىزۋ، 

– ەلەكتروندى ۇكىمەت تولەم ءشليۋزى ارقىلى مەملەكەتتىك سالىقتى تولەۋ (ءار شاقىرىلعان ازاماتقا 0،5 اەك)، 5 جۇمىس كۇنى وتكەننەن كەيىن ءوتىنىم بەرۋشىنىڭ جەكە كابينەتىنە شاقىرۋدىڭ 10 تاڭبالى تىركەۋ ءنومىرى كەلەدى، ونى شەتەلدىك ازاماتقا حابارلاۋ كەرەك. 

– شەتەلدىك ازامات شاقىرۋ – كوشى-قون پورتالىندا ءوتىنىمدى تولتىرادى.

15 مينۋت وتكەننەن كەيىن شەتەلدىك ازامات ەلەكتروندى ۆيزاعا يە بولادى، ول ۆيزانى قاعازعا شىعارىپ، قازاقستان شەكاراسىندا پاسپورتتىق تەكسەرىستەن ءوتۋ كەزىندە شەكارا قىزمەتى قىزمەتشىلەرىنە كورسەتۋى كەرەك. ءقازىر شەتەلدىكتەردى ەلەكتروندى شاقىرۋ قىزمەتى قازاقستانعا جۇمىس بابىمەن كەلەتىن ادامدارعا «ۆ1»، «ۆ2» جانە «ۆ3» ءبىر رەتتىك ۆيزاسىن، جەكە ماقساتپەن كەلگەندەرگە «ۆ10» ساناتتى ۆيزا جاساۋعا بولادى.

ەلەكتروندى ۆيزا ارقىلى نۇر-سۇلتان جانە الماتى قالالارىنداعى حالىقارالىق اۋەجايلاردان وتۋگە بولادى. قازاقستان رەسپۋبليكاسىنىڭ شەكاراسىنان مۇنداي تارتىپپەن وتكىزۋدى باسقا قالالاردا 2020 جىلدىڭ ىشىندە ەنگىزۋ جوسپارلانىپ وتىر.