قازاقستاندىق شەنەۋنىك يمانعالي تاسماعامبەتوۆتىڭ اناسى ءدىلدا قوقانوۆا قايتىس بولدى. بۇل تۋرالى قازاقستاننىڭ رەسەيدەگى ەلشىلىگىنىڭ رەسمي سايتى حابارلادى.
ەلشىلىك سايتىنىڭ جازۋىنشا، تاسماعامبەتوۆتىڭ اناسى 89 جاستا بولعان.
يمانعالي تاسماعامبەتوۆ وسى جىلدىڭ 9 جەلتوقسانىندا زەينەت جاسى، 63-كە تولعان. ول قازاقستان تاۋەلسىزدىك العان جىلدان بەرى جوعارى بيلىكتەگى لاۋازىمدى قىزمەتتەردى اتقاردى. قازاقستاندى 30 جىلعا جۋىق باسقارعان نۇرسۇلتان نازاربايەۆتىڭ جارلىعىمەن ءۇش رەت پرەمەر-مينيستردىڭ ورىنباسارى بولىپ تاعايىندالعان، ءبىر رەت قازاقستاننىڭ پرەمەر-مينيسترى بولدى. سونىمەن قاتار تاسماعانبەتوۆ نۇر-سۇلتان جانە الماتى قالالارىن، اتىراۋ وبلىسىن باسقارعان. پرەزيدەنت اكىمشىلىگىندە باسشى بولىپ، مەملەكەتتىك حاتشى قىزمەتىن دە اتقارعان. ەكى جىل قورعانىس مينيسترلىگىن باسقارعان. 2017 جىلدان بەرى ەلشىلىك قىزمەتتە بولدى. وسى جىلدىڭ 18 جەلتوقساندا قازاقستان پرەزيدەنتى قاسىم-جومارت توقايەۆتىڭ جارىلىعىمەن ەلدىڭ رەسەيدەگى ەلشىسى يمانعالي تاسماعامبەتوۆ قىزمەتىنەن بوستىلعان. اقوردانىڭ رەسمي سايتىنا شىققان توقايەۆتىڭ جارلىعىندا تاسماعامبەتوۆتىڭ زەينەت جاسىنا تولۋىنا بايلانىستى قىزمەتىنەن بوساتىلعانى ايتىلدى.
پىكىر قالدىرۋ