تۇركىستان قالاسىنىڭ اكىمى راشيد ايۋپوۆ قالاداعى جالاقىنىڭ قىمباتتاۋىنا قاتىستى پىكىر ءبىلدىردى دەپ جازادى Qamshy.kz اقپارات اگەنتتىگى. 

ول 70 تەڭگە قازاقستانداعى ەڭ ارزان جولاقى ەكەنىن ايتتى. سونداي-اق ول ەگەر باعانى كوتەرمەسەك، جۇرگىزۋشىلەر جۇمىسقا شىقپايدى، سالدارىنان جەرگىلىكتى تۇرعىندار قوعامدىق كولىكسىز قالادى دەيدى.

"قۇرمەتتى تۇركىستان قالاسىنىڭ تۇرعىندارى! ەڭ وزەكتى ماسەلەلەردءىڭ ءبىرى - باسپانا بولسا، ەندى ءبىرى - قوعامدىق كولىك ماسەلەسى. سىزدەرگە تۇسىنىكتەمە بەرۋىم قاجەت دەپ ويلايمىن. بۇگىنگە دەيىن تۇرعىندار تاراپىنان تاسىمالداۋشى كومپانيا جۇمىسىنا كوپتەگەن ارىز-شاعىم ءتۇستى. بۇل سالاداعى مونوپوليست جۇمىسى ساپاسىنا كوڭىلى تولمايدى. جۇمىس ساپاسىن جاقسارتۋ ءۇشىن تۇركىستان قالاسى بويىنشا جۇمىس اتقارۋشى كولىك كومپانيا وكىلى قالا اكىمدىگىنەن جول اقىسىن 70 تەڭگەگە كوتەرۋدى تالاپ ەتۋدە. مۇنىڭ ەڭ باستى سەبەبى - نەشە جىلدان بەرى باعا ەش وزگەرمەگەن، ەلىمىزدەگى ەڭ ارزان جول اقىسى بولىپ تابىلادى. كەسىپ، "جوق" دەر بولساق، كولىك توقتاپ، تۇرعىنداردىڭ قىستا قينالۋ ءقاۋىپى بار. بۇعان قوسا، ول جەردە جۇمىس ىستەپ جۇرگەن، جۇمىسسىزسىز قالۋ قاۋپىنە ۇشىرايتىن جۇرگىزۋشىلەر دە ءوزىمىزدىڭ جەرلەستەر. جاڭارتىلعان كەلىسىم-شارتتى قولداۋعا دايار ەكەنىمىزدى بىلدىردىك. ءبىراق، حالىقتىڭ ءسوزىن ەسكەرە وتىرىپ، 10 تالاپ قويدىق. وسى تالاپتاردى ورىنداۋعا كەلىسكەن كومپانيامەن عانا جۇمىس ىستەيتىن بولامىز"، - دەپ جازعان قالا باسشىسى.