ەندى سول لەپتى لەپەستى وقىپ كورىڭىز: «توقايەۆ جانە ازىرگە جاس احمەتوۆتان باسقالارى بەلگىلى ءبىر دەڭگەيدە بارلىعىنا توناۋعا مۇمكىندىك بەردىڭىز» دەيدى حاتتا. وسىدان ون نەشە جىل بۇرىنعى ءسوز بولسا دا ءدال بۇگىن وندىقتا تۇر. ياعني، زامانبەك مارقۇم قالاباي ۇلى اتاعان «توناماعان» ەكەۋدىڭ ءبىرى – سەرىك احمەتوۆ تاعدىرى امبەگە تاعى ايان. ال توقايەۆ – تاقتا. پرەزيدەنت بۇگىن.
باقساڭىز، ەكەۋىنەن باسقالارىنىڭ "بارلىعىنا توناۋعا مۇمكىندىك بەردىڭىز" دەپ تۇر. ءوزى دە وسى شىندىقتان سوڭ وپات بولعان زامانبەك. مۇمكىن، سول ابزاستى تولىعىمەن تاۋساپ كورسەڭىز، «توققا» تۇسىرەر مە ەدى ءسىزدى. ونى دا وقىپ كورىڭىز. قاز قالپىندا:
«ءيا ءبىزدىڭ نەگىزگى زاڭىمىز – كونستيتۋسيا – جەتىلدىرۋدى قاجەت ەتەدى. 12 جىل جاس مەملەكەتتى قۇرۋ جولىندا 7 ۇكىمەت اۋىستى. توقايەۆ جانە ازىرگە جاس احمەتوۆتان باسقالارى بەلگىلى ءبىر دەڭگەيدە بارلىعىنا توناۋعا مۇمكىندىك بەردىڭىز. كەيىن ولار سىزبەن تەڭەسكىسى كەلگەن كەزدە، (مورالدىق زاڭدى قۇرتقان قاجىگەلديننەن باسقاسى) ولارعا وتانىنىڭ، تۋعان ەلىنىڭ ەسىگىن جاۋىپ تاستادىڭىز. ەشبىر باسقا ەلدە ەكس-پرەمەردى بوساتاردا ونىڭ بيۋدجەتتى شىعىنداۋى، قىزمەتىن جەكە ماقساتىندا پايدالانعان-پايدالانباعانىن تەكسەرىپ، دۇرىس باعاسىن بەرۋگە تىرىسپادىڭىز. بۇل وتىرىك پە؟» (اسحات ءشارىپجانوۆ."جۇما-تايمس. دات". 2005 ج.)
مىنە، بۇل زامانبەك ءنۇرقادىلوۆتىڭ نۇرسۇلتان نازاربايەۆقا جازعان اشىق حاتىنىڭ قىسقا تىلكىمى. تىلدەي عانا. ءدال بۇگىنگى كۇننىڭ "بارومەترى" ىسپەتتى...
تاقىرىپقا تۇزدىق
وسى حات قايىرا جاريالانعان «فەيسبۋك» جەلىسىندە تاعى ءبىر وتىرىكتىڭ بەتى اشىلدى. بۇل تۋرالى «دات» مەديا جوباسىنىڭ جەتەكشىسى ەرمۇرات باپي ايتتى. ءبىز بۇل شىندىقتان دا اتتاپ وتە المادىق. قىسقاشا ءماتىن تومەندەگىدەي:
«زامانبەكتىڭ قازاسىنان 5 اي بۇرىن «DAT»-تىڭ ءجۋرناليسى اسحات ءشارىپجانوۆتى ءولتىرىپ كەتتى. پوليسيانىڭ رەسمي دەرەگى بويىنشا، «اۆتوماشينا قاعىپ كەتكەن»... ال «DAT»-تىڭ جۋرناليستەرى انىقتاعانداي، اسحاتتىڭ توبەسىنەن بەيسبول بيتاسىمەن ۇرىپ، سودان كەيىن شالا-جانسار جاتقان جىگىتتى جول ۇستىنە تاستاپ كەتكەن».
پىكىر قالدىرۋ