وبلىس اكىمدىگىنىڭ جاستار ساياساتى ماسەلەلەرى باسقارماسىنىڭ ۇيىمداستىرۋىمەن «Balqaragai» فيتو-باردا وتكەن شارادا ۇزدىك جاستار «اۋليەاتا ءۇمىتى» وبلىستىق جاستار سىيلىعىنىڭ ون بەس نوميناسياسى بويىنشا ماراپاتتالدى. «SENIM! EŃBEK! JETISTIK!» فورۋم اياسىندا وتكەن شاراعا ايماق باسشىسى اسقار مىرزاحمەتوۆ ارنايى قاتىسىپ، ىزگى لەبىزىن ءبىلدىردى.
«اۋليەاتا ءۇمىتى» وبلىستىق جاستار سىيلىعى – وبلىس جاستارىنىڭ ازاماتتىق جانە قوعامدىق-ساياسي بەلسەندىلىگىن ارتتىرۋ، وبلىس جاستارىنىڭ ءبىلىم، عىلىم، ونەر، مادەني، شىعارماشىلىق دەڭگەيىنىڭ ارتۋىنا جانە وڭىردەگى جاستار ساياساتىنداعى ءوزىن-وزى باسقارۋ جۇيەسىن قالىپتاستىرۋعا جاعداي جاساي وتىرىپ، ءارتۇرلى سالادا جەتىستىككە جەتكەن جانە قوعامدىق ومىردە بەلسەندى بولعان جاستاردى قولداۋ ماقساتىنا نەگىزدەلدى.
كوميسسيا شەشىمى بويىنشا «ۇزدىك جاس مەملەكەتتىك قىزمەتشى» نوميناسياسى بويىنشا ج.امانباي، «ۇزدىك جاس باسپا جۋرناليست» نوميناسياسى بويىنشا ج.احمەتوۆ، «ۇزدىك جاس تەلەجۋرناليست» نوميناسياسى بويىنشا م.باەت، «ۇزدىك جاس مەديسينا قىزمەتكەرى» نوميناسياسى بويىنشا م.جۋماتايەۆ، «ۇزدىك جاس ءمۇعالىم» نوميناسياسى بويىنشا ە.جۇماديلوۆ، «ۇزدىك جاس مۋزىكانت» نوميناسياسى بويىنشا ە.جۇمات، «ۇزدىك جاس عالىم» ت.يمانالييەۆ، «ۇزدىك جاس قۇقىق قورعاۋ سالاسىنىڭ قىزمەتكەرى» نوميناسياسى بويىنشا م.كوكرەكبايەۆ، «قوعامدىق قىزمەتتەگى ۇزدىك بەلسەندى جاس» نوميناسياسى بويىنشا ت.كوپبەرگەن، «ۇزدىك جاس ايتىسكەر اقىن» نوميناسياسى بويىنشا ن.قۇرمانوۆ، «ۇزدىك جاس كاسىپكەر» نوميناسياسى بويىنشا ە.وماروۆ، «ۇزدىك جاس جازبا اقىن» نوميناسياسى بويىنشا ن.ساتىمقۇل، «تەاتر جانە كينو سالاسىنىڭ ۇزدىك جاس اكتەرى» نوميناسياسى بويىنشا ب.تاجيمۋراتوۆ، «ۇزدىك جاس سپورتشى» نوميناسياسى بويىنشا ق.تۇرعانبەك، «ۇزدىك جۇمىسشى جاس» نوميناسياسى بويىنشا ە.تۇرعانبەك جەڭىمپاز دەپ تانىلدى.
ايتا كەتەيىك، «اۋليەاتا ءۇمىتى» وبلىستىق جاستار سىيلىعىن بەرۋ ەرەجەسىنە سايكەس، اعىمداعى جىلدىڭ 20 قاراشاسى - 14 جەلتوقسانى ارالىعىندا جامبىل وبلىسىنىڭ 14 پەن 29 جاسقا دەيىنگى جاستارى، حالىقارالىق، رەسپۋبليكالىق جانە وبلىستىق جارىستاردىڭ، بايقاۋلاردىڭ، فەستيۆالدەر مەن كورمەلەردىڭ لاۋرەاتتارى، جۇلدەگەرلەرى، قوعامدىق ومىرگە بەلسەندى ارالاسقان، مەملەكەتتىك جاستار ساياساتىن جۇزەگە اسىرۋ جانە جەتىلدىرۋ بويىنشا جاڭاشىل باستامالار الىپ كەلگەن، جەكە باسىنىڭ جەتىستىكتەرى بار، ءوزى قىزمەت ەتەتىن سالادا جەتىستىككە جەتكەن وبلىس جاستارى اراسىندا بايقاۋ جاريالانعان بولاتىن.
پىكىر قالدىرۋ