كەيبىر دەرەكتەرگە قاراعاندا، الەمدە 256 ۇلت بار ەكەن. رەسمي مالىمەتكە سەنسەك، سونىڭ 130-دان استامى قازاقستاندا ءتاتۋ-تاتتى ءومىر ءسۇرىپ، تىرشىلىك كەشىپ جاتىر. مىنە، وسىنشاما ۇلت پەن ۇلىستىڭ ءتىلىن تاۋىپ، بىرلىك پەن ىنتىماقتا ۇستاپ وتىرعان بۇگىنگى بيلىك ۇلتارالىق تاتۋلىق پەن بىرلىكتى باسىم ساياساتىنىڭ ءبىرى رەتىندە ۇزاق جىلداردان بەرى ۇستانىپ كەلەدى.

ەل يگىلىن ارتتىرىپ بىرلىگىن ساقتاۋ نەگىزىندە جامبىل وبلىسى جىل بويى 1 248 ءىس-شارا وتكىزگەن. اعىمداعى جىلدىڭ جەلتوقسانىندا وسى اتقارىلعان جۇمىستارعا قورتىندى رەتىندە وبلىس اسسامبلەياسىنىڭ ۇيىمداستىرۋىمەن قازاقستان رەسپۋبليكاسىنىڭ تاۋەلسىزدىك كۇنى قارساڭىندا جامبىل وبلىسى قازاقستان حالقى اسسامبلەياسىنىڭ ۇيىمداستىرۋمەن «بىرلىگىمىز جاراسقان» اتتى ءداستۇرلى ەتنوفەستيۆال وتكەن بولاتىن.

فەستيۆال اياسىندا وبلىستىق قحا جۇمىستارىن جانداندىرۋدا اتقارعان ەلەۋلى ەڭبەكتەرى ءۇشىن بىرلەستىكتەردىڭ جەتەكشىلەرى مەن وبلىستىق قحا قۇرىلىمى، سەرىكتەستەرى، ەتنومادەني بىرلەستىكتەردىڭ شىعارماشىلىق ۇجىمدارى، سونداي-اق وبلىستىق اسسامبلەيانىڭ بەلسەندى جاستارى ماراپاتتالدى.

مۇنداعى باستى ماقسات قازاقستان رەسپۋبليكاسىنىڭ وركەندەۋى مەن قوعامدىق كەلىسىم جانە جالپىۇلتتىق بىرلىكتى نىعايتۋعا ەلەۋلى ۇلەس قوسقان وڭىرلىك اسسامبلەيا بەلسەندىلەرىنە قۇرمەت كورسەتۋ، دارىپتەۋ بولاتىن. ءىس-شاراعا جامبىل وبلىسى ەتنومادەني بىرلەستىكتەرىنىڭ بارلىق وكىلدەرى، انالار، اقساقالدار، قوعامدىق كەلىسىم، مەدياسيا كەڭەستەرى، «جاڭعىرۋ جولى» جاستار قوزعالىسىنىڭ جانە مادەنيەت سالاسىنىڭ وكىلدەرى قاتىستى. ەتنوفەستيۆالدىڭ نەگىزگى مىندەتتەرى - قوعامدىق كەلىسىم مەن مەجەتنيكالىق توزىمدىلىكتى نىعايتۋ، جامبىل وبلىسىندا تۇراتىن ەتنوستاردىڭ سالت-داستۇرلەرىن، ۇرپاقتار ساباقتاستىعىن ساقتاۋعا جاردەمدەسۋ، سونداي-اق جامبىل وبلىسىنىڭ ەتنومادەني بىرلەستىكتەرى اراسىنداعى بايلانىستاردى دامىتۋ جانە اقپاراتتىق-مادەني الماسۋدى جۇزەگە اسىرۋ بولىپ تابىلادى.

فەستيۆالدىڭ ءبىرىنشى بولىمىندە جامبىل وبلىسى قازاقستان حالقى اسسامبلەياسىنىڭ ءتوراعا ورىنباسىر، حاتشىلىق مەڭگەرۋشىسى مارجان قوجايەۆا الداعى كەلە جاتقان ەل تاۋەلسىزدىگىنىڭ كۇنىمەن قۇتتىقتادى. حاتشىلىق مەڭگەرۋشىسى جامبىل وبلىسى قازاقستان حالقى اسمبلەياسىنىڭ قۇرلىمدارى، سەرىكتەستەرى جانە بەلسەندى ەتنومادەني بىرلەستىكتەردىڭ جەتەكشىلەرى مەن مۇشەلەرىن ماراپاتتاپ العىس حاتتار مەن باعالى سىيلىقتار تابىس ەتتى. فەستيۆالدىڭ ەكىنشى بولىمىندە شىعارماشىلىق ۇجىمدار مەن بەلسەندى جاستار ماراپاتتالدى. ماراپاتتاۋ ءراسىمىن جامبىل وبلىسى اكىمى اپپاراتىنىڭ «قوعامدىق كەلىسىم» كمم باسشىسى رانو ۋبايدۋللايەۆا تابىستاپ، قۇتتىقتاۋ ءسوز سويلەدى. ماراپات يەلەرىنە العىس حاتتار مەن باعالى سىيلىقتار تابىس ەتىلدى.