جامبىل وبلىسىنىڭ تالاس اۋدانىندا اۋدان اكىمدىگى ىشكى ساياسات ءبولىمىنىڭ «جاستار رەسۋرستىق ورتالىعى» كمم-نىڭ ۇيىمداستىرۋىمەن «جاستار-جاسامپازدىق باستاۋى!» اتتى جاستار جىلىن قورتىندىلاۋ فورۋمى ءوتتى.

ۇلبيكە اقىن اتىنداعى مادەنيەت ورتالىعىندا وتكەن جاستار فورۋمىن اۋدان اكىمىنىڭ ورىنباسارى، قادىربەك سادۋبايەۆ قۇتتىقتاۋ سوزىمەن اشىپ بەردى.

– سىزدەردى كۇنى كەشە وتكەن باعا جەتپەس باستى مەرەكەمىز، وزدەرىڭىزدىڭ قۇرداستارىڭىز – تاۋەلسىزدىك كۇنىمەن شىن جۇرەكتەن قۇتتىقتايمىن! بۇگىنگى جاستار فورۋمنىڭ دا ءوتۋى، سول تاۋەلسىزدىگىمىزدىڭ ارقاسى دەپ بىلەمىن.

بيىلعى «جاستار جىلىندا» سىزدەردى، جاقسى جەتىستىكتەرگە جەتتى، ەلىمىزدىڭ ءوسىپ وركەندەۋىنە وزىندىك ۇلەستەرىن قوستى دەپ بىلەمىن. جاستار جىلىندا جاستاردى قولداۋعا باعىتتالعان اۋقىمدى شارالاردى وتكىزۋگە اۋداندىق بيۋدجەتتەن 5 ملن. تەڭگە قارجى ءبولىنىپ، وقىتۋ-ساۋىقتىرۋ لاگەرى، جاس اقىندار ايتىسى، بايقاۋلار، جاستار فەستيۆالى، اكسيالار، سپورتتىق شارالار بارلىعى 48 شارا ۇيىمداستىرىلىپ، وعان وزدەرىڭىز قاتىسىپ، ۇلەس قوستىڭىزدار.

قۇرمەتتى جاستار!

كۇنى كەشە مەملەكەت باسشىسى قاسىم-جومارت كەمەل ۇلى توقايەۆ جاستار جىلىنىڭ جابىلۋ مەن ۆولونتەر جىلىنىڭ باستالۋ سالتاناتى شاراسىندا ستۋدەنتتەردى قولداۋ ءۇشىن 2020 جىلدىڭ 1 قاڭتارىنان باستاپ ستۋدەنتتەردىڭ ستيپەندياسىن 25 پايىزعا ءوسىرۋ جونىندە شەشىم قابىلدادى. بۇلدا تاۋەلسىزدىگىمىزدىڭ تۇراقتىلىعىنىڭ ارقاسى.

الداعى جىلى، ۆولونتەر جىلى بارشامىزعا، اسىرەسە جاستارعا ۇلكەن جاۋاپكەرشىلىك جۇكتەيدى. سوندىقتان سىزدەردى وسى يگى باستاماعا بەلسەندى اتسالىسادى دەپ بىلەمىن،– دەدى اۋدان اكىمىنىڭ ورىنباسارى.

فورۋم بارىسىندا حالىقارالىق، رەسپۋبليكالىق جانە وبلىستىق دەڭگەيدە ءار سالا بويىنشا جەتىستىككە جەتكەن، اۋدانىمىزدىڭ بەلسەندى جاستارى اۋدان اكىمىنىڭ العىس حاتىمەن ماراپاتتالدى.

سونىمەن قاتار، جاستار فورۋمىندا №1-مەكتەپ ليسەيدىڭ ديرەكتورىنىڭ تاربيە ءىسى جونىندەگى ورىنباسارى، زاكيرا يگور الەكساندروۆيچ، جاس ايتىسكەر اقىن نۇرجان جەكسەنبەك ۇلى، رەسەي فەدەراسياسىنىڭ سانكت-پەتەربۋرگ قالاسىندا وتكەن پارادانسا بي تۇرىنەن جۇلدەگەر اتانعان مۇسايەۆا ايگۇل وزدەرىنىڭ جىلى لەبىزدەرىن ءبىلدىرىپ، اۋدان جۇرتشىلىعىنا ءوز العىستارىن ايتا كەتتى. ءىس-شارا ۇلبيكە اقىن اتىنداعى مادەنيەت ورتالىعى انشىلەرىنىڭ كونسەرتتىك باعدارلاماسىمەن جالعاستى.