نۇر-سۇلتاندا تۇڭعىش رەسپۋبليكالىق STEM وليمپياداسىنىڭ قورىتىندىسى شىعارىلدى. بارلىعى 4 نوميناسيا بويىنشا 36 جەڭىمپاز كوماندا انىقتالدى. وليمپيادانى نۇر-سۇلتان قالاسىنىڭ اكىمدىگى مەن «استانا  Innovations» اق ۇيىمداستىردى. كونكۋرسقا ەلىمىزدىڭ تۇكپىر-تۇكپىرىنەن 500-دەن استام وقۋشىنى قۇراعان 140 كوماندا قاتىستى. «يننوۆاسيالىق ءبىلىم وليمپياداسى جىل سايىن وزىندىك ءرولىن ايقىنداي تۇسەدى. ال كەلەسى جىلدان باستاپ حالىقارالىق كونكۋرسقا اينالادى»، - دەيدى «استانا Innovations» اق باسقارما ءتوراعاسى ارىستان قازجانوۆ.

بۇل ءىس-شارا عىلىمي جانە تەحنيكالىق ءبىلىمنىڭ دامۋىنا زور اسەر ەتەدى. بارلىعى 4 نوميناسيا بويىنشا 36 جەڭىمپاز كوماندا انىقتالدى: 3D ۇلگىلەۋ، ينجەنەرلىك ماتەماتيكا، باعدارلامالاۋ جانە جوبالىق روبوتوتەحنيكا. ەلوردالىق №38 جانە №73 مەكتەپتەرى، سونداي-اق دارىن ممي (قاراعاندى قالاسى) ەڭ كوپ نوميناسيالارعا يە بولدى.

جەڭىمپازدار 3D پرينتەر، نوۋتبۋك، درون، روبوتوتەحنيكا جيىنتىقتارى، ساۋىقتىرۋ لاگەرىنە جولداما سەكىلدى ءتۇرلى جۇلدەلەرگە يە بولدى.

ايتا كەتەيىك، STEM – تەحنيكالىق ءبىلىم بەرۋ سالاسىنداعى سوڭعى جەتىستىكتەردى قامتىعان يننوۆاسيالىق وليمپيادا. وليمپيادا ينجەنەريا، باعدارلامالاۋ، روبوتوتەحنيكا جانە 3D ۇلگىلەۋ سەكىلدى عىلىمداردان تۇرادى. قازاقستاندا STEM زەرتحانالارى بىلتىردان باستاپ اشىلا باستادى. ولاردىڭ العاشقىسى ەلورداداعى №41 مەكتەپكە ورناتىلدى. ال بۇگىندە ەلىمىزدە 90-نان استام STEM زەرتحانا جۇمىس ىستەپ تۇر.

تۇركىتىلدەس جۋرناليستەر قورى