الماتى وبلىسى اقسۋ اۋداندىق سوتىندا جۇڭگو ەلىنىڭ جۇمىسشىلارىن سوققىعا جىقتى دەپ ايىپتالعان قىزىلاعاشتىڭ بەس تۇرعىنىنا قاتىستى كەزەكتى سوت وتىرىسى كەيىنگە قالدىرىلعانىن حابارلاعان بولاتىنبىز.
الايدا، قامالعانداردى قولداۋعا كەلگەن 500-گە جۋىق ادام سوت وتىرىسىنىڭ بۇگىن ءوتۋىن تالاپ ەتۋدە. ولاردىڭ نارازىلىعىن تۋدىرعان تاعى ءبىر جايت، ءىس بارىسىندا قازاقستاندىق پوليسيا قىزمەتكەرى "قىتايلاردى قازاقتار سوققىعا جىقتى" دەپ قىزىلاعاشتىڭ 5 تۇرعىنىنا قارسى كۋاگەر بولعانى.
جابىرلەنۋشى كۋاگەردىڭ سوزىنشە، ول سول جەردەگى ازاماتتاردى قۇتقارماق بولعان.
– مەن قورعاعىم كەلدى. وقيعانىڭ ءورشىپ كەتۋىنە جول بەرمەدىم. بارلىعىن قورعادىم، – دەدى كۋاگەر.
ەسكە سالا كەتسەك، بيىل 8 قازاندا الماتى وبلىسى اقسۋ اۋدانى قىزىلاعاش اۋىلىنىڭ تۇرعىندارى جۇڭگو ازاماتتارىن سوققىعا جىققانى تۋرالى حابارلانعان بولاتىن. وعان سەبەپ، "Citic Construction" كومپانياسىندا جۇمىس ىستەيتىن قازاق-قىتاي جۇمىسشىلارى اراسىنداعى قاقتىعىس-تىن. قىتايلىق جۇمىسشىلاردىڭ ارىزى بويىنشا قىزىلاعاش اۋىلىنىڭ تۇرعىندارى بەرىكبول رىسالدينوۆ، اعايىندى بەيبىت جانە نۇربول مۇحمەتالين، ەركىن مەن سارقىت سالحانوۆتار ۇستالعان. ولار قاساقانا دەنە جاراقاتىن كەلتىرگەنى ءۇشىن ايىپتالۋدا.
پىكىر قالدىرۋ