مىسىردا جۇمباق جاعدايدا كوز جۇمعان قازاقستان ەلشىلىگىنىڭ قىزمەتكەرى ەلامان جولداسوۆتىڭ دەنەسى ەلگە جاڭا جىلعا دەيىن جەتكىزىلەدى. بۇل تۋرالى بۇگىن سىرتقى ىستەر ءمينيسترى مۇحتار تىلەۋبەردى ايتتى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الىپ.
ۇكىمەت وتىرىسىنان كەيىن جۋرناليستەر مينيستردەن ەلامان جولداسوۆتىڭ دەنەسى ەلگە قاشان جەتكىزىلەتىنىن سۇرادى.
"جاڭا جىلعا دەيىن، وسى اپتانىڭ سوڭى نەمەسە كەلەسى اپتادا دەنەسى ەلگە جەتكىزىلەدى دەپ وتىرمىز"، - دەدى تىلەۋبەردى.
ءمينيستردىڭ ايتۋىنشا، ەلشىلىك قىزمەتكەرىنىڭ جۇمباق ولىمىنە قاتىستى تەرگەۋ ءالى اياقتالماعان. تەرگەۋ ناتيجەسى قازاقستاندىق تاراپقا بەرىلگەن جوق.
"كۇتە تۇرايىق. تەرگەۋ ماتەريالدارى ءقازىر مىسىردىڭ باس پروكۋراتۋراسىندا، سول ەلدىڭ سىرتقى ىستەر مينيسترلىگى ارقىلى بىزگە بەرىلەدى"، - دەدى ول.
تىلەۋبەردىنىڭ سوزىنشە، ەلشىلىك قىزمەتكەرىنىڭ نەدەن قازا بولعانىن ايتۋ ءقازىر قيىن.
"ءبىراق، سۋيسيد ەڭ ءبىرىنشى ۆەرسيا رەتىندە قاراستىرىلىپ جاتىر"، - دەدى مينيستر.
پىكىر قالدىرۋ