بۇل تۋرالى ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ الاڭىندا وتكەن بريفينگتە ايتىلدى، دەپ جازادى Qamshy.kz اقپارات اگەنتتىگى قازاقپاراتتىڭ ماتەريالىن نەگىزگە الىپ.
ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى ماۋلەن اشىمبايەۆتىڭ ايتۋىنشا، بىرنەشە اي بويى اۋقىمدى جۇمىستار اتقارىلىپ، بۇگىن جاستاردى ىرىكتەۋ اياقتالدى.
كوميسسيا وتىرىسىندا ەكسپەرتتىك كوميسسيا ۇسىنعان كانديداتتار قارالىپ، 300 جاس قازاقستاندىق ىرىكتەلىپ الىنعان.
رەزەرۆكە ەنگەن جاستار مەملەكەتتىك باسقارۋ جۇيەسىندەگى جاۋاپتى قىزمەتتەرگە تاعايىندالادى. مۇنداعى باستى ماقسات – بىلىكتى باسشىلاردىڭ جاڭا بۋىنىن قالىپتاستىرۋ جانە جاستار ءۇشىن الەۋمەتتىك ءليفتىنىڭ ۇتىمدى جۇيەسىن قۇرۋ.
– بۇل رەزەرۆ مەملەكەتتىك قىزمەت سالاسىن جاڭارتۋعا، وزىق ويلى جاس كوشباسشىلاردى جۇمىلدىرۋعا جانە جاستاردى ىنتالاندىرۋعا مۇمكىندىك بەرەدى. ءبىراق، پرەزيدەنت ايتقانداي، تەك جوعارى لاۋازىمعا ۇسىنىلاتىن توپ دەپ قاراۋعا بولمايدى. بۇل جوبا جاستاردى حالىققا شىن نيەتىمەن قىزمەت ەتۋگە ىنتالاندىرۋى ءتيىس، – دەدى م. اشىمبايەۆ.
ىرىكتەلىپ الىنعان 300 جاس قازاقستاندىقتىڭ تولىق ءتىزىمىن جوبانىڭ رەسمي سايتىنان تانىسۋعا بولادى.
پىكىر قالدىرۋ