بۇگىن، 25 جەلتوقساندا قازاقستان پرەزيدەنتى قاسىم-جومارت توقايەۆتىڭ جارلىعىمەن مارعۇلان بايمۇحان ەلدىڭ سىرتقى ىستەر ءمينيسترىنىڭ ورىنباسارى، اركەن وتەنوۆ سىرتقى ىستەر مينيسترلىگىڭ حاتشىسى قىزمەتىنە تاعايىندالدى. بۇل تۋرالى اقوردانىڭ رەسمي سايتى حابارلادى.
توقايەۆ سىرتقى ىستەر ءمينيسترىنىڭ ورىنباسارى ەتىپ تاعايىنداعان بايمۇحان 2017 جىلدان بەرى قازاقستاننىڭ پولشاداعى ەلشىسى بولدى. ال سىرتقى ىستەر مينسترلىگىنىڭ حاتشىلىعىنا تاعايىندالعان وتەنوۆ پرەزيدەنت اكىمشىلىگى ىشكى ساياسات ءبولىمى جەتەكشىسىنىڭ ورىنباسارى قىزمەتىن اتقارعان.
بۇعان دەيىن سىرتى ىستەر ءمينيسترىنىڭ ورىنباسارى قىزمەتىن اتقارعان رومان ۆاسيلەنكونى توقايەۆتىڭ 21 جەلتوقسانداعى جارلىعىمەن قازاقستاننىڭ سلوۆاكياداعى ەلشىلىگىنە، ال وسى مينيسترلىكتىڭ جاۋاپتى حاتشىسى قىزمەتىن اتقارعان نۇرلان سەيتمانوۆ قازاقستاننىڭ ەستونياداعى ەلشىلىگىنە باسشى بولىپ تاعايىندالعان ەدى.
پىكىر قالدىرۋ