الماتى وبلىسىنىڭ قاسكەلەڭ قالاسىندا كوپقاباتتى تۇرعىن ۇيدەگى جارىلىس سالدارىنان 11 جاسار بالا قازا تاپتى. بۇل تۋرالى توتەنشە جاعدايلار كومميتەتى مالىمدەدى.
توتەنشە جاعدايلار كوميتەتىنىڭ مالىمەتىنشە، تولە بي كوشەسى بويىنداعى كوپقاباتتى تۇرعىن ءۇيدىڭ ەڭ ۇستىڭگى قاباتىنداعى پاتەردە گاز-اۋا قوسپاسى جارىلىپ، قابىرعالاس تۇرعان بىرنەشە پاتەرگە نۇقسان كەلگەن.
"7 ادام، سونىڭ ىشىندە 3 بالا ءتۇرلى جاراقات الدى. بارلىق زارداپ شەككەندەر اۋرۋحاناعا جەتكىزىلدى. 2009 جىلى دۇنيەگە كەلگەن بالا وقيعا ورنىندا كوز جۇمدى. اتالعان ءۇيدىڭ تۇرعىندارىن ورتكە قارسى قىزمەت ءقاۋىپسىز جەرگە كوشىرىپ، قاسكەلەڭ اكىمدىگى ۋاقىتشا تۇرۋ ورنىن ۇيىمداستىردى. جارىلىس سەبەبى انىقتالىپ جاتىر" - دەلىنگەن ۆەدومستۆو تاراتقان حابارلامادا.
پىكىر قالدىرۋ