اتىراۋ قالاسىنىڭ اكىمى اليمۇحاممەد قۇتتۇمۇرات ۇلى ءوز ەركىمەن قىزمەتىنەن كەتتى. بۇل تۋرالى اتىراۋ قالاسى اكىمدىگىنىڭ باسپا ءسوز قىزمەتى حابارلادى.
"14 قاڭتار كۇنى قالالىق اكىمدىكتىڭ ءماجىلىس زالىندا وتكەن جيىن بارىسىندا اتىراۋ قالاسى اكىمى اليمۇحاممەد قۇتتۇمۇرات ۇلى ارىپەستەرىنە ريزاشىلىعىن ءبىلدىرىپ ءوز ەركىمەن قىزمەتتىك ۋاكىلەتتىگىن توقتاتاتىنىن مالىمدەدى"، - دەلىنگەن اكىمدىك حابارلاماسىندا.
36 جاستاعى قۇتتۇمۇرات ۇلى اتىراۋ قالاسى اكىمى قىزمەتىن 2018 جىلدىڭ ماۋسىمىنان باستاپ اتقارعان بولاتىن. 2008 جىلى مەملەكەتتىك قىزمەتكە كەلگەن ول باتىس قازاقستان وبلىسى اكىمىنىڭ ورىنباسارى، اتىراۋ وبلىسى اكىمى اپپاراتىنىڭ جەتەكشىسى قىزمەتتەرىن اتقاردى. اتىراۋ وبلىسىنىڭ جىلاوي جانە ماحامبەت اۋداندارىن باسقاردى.
اكىمدىك باسپا ءسوز قىزمەتىنىڭ حابارلاۋىنشا، قۇتتىمۇرات ۇلىنىڭ ءوز ەركىمەن قىزمەتىنەن كەتۋىنە بايلانىستى اتىراۋ قالاسى اكىمىنىڭ مىندەتىن قالا اكىمىنىڭ ورىنباسارى رينات جانعىلىشوۆ اتقاراتىن بولادى.
پىكىر قالدىرۋ