قاراعاندى وبلىسىنىڭ پوليسياسى جەزقازعانداعى قازاقمىس كورپوراسياسىنىڭ كاسىپورنىندا بولعان جاعداي تۋرالى ايتتى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ.
پوليسيانىڭ مالىمەتىنە سايكەس، سەيسەنبى، 21 قاڭتار كۇنى كەشكى ساعات 18:20-دا "قازاقمىس" كورپوراسياسى" ج ش س باس ديرەكتورى امانگەلدى ءمىنىعۇلوۆ پەن "كاسىپ قورعان" كاسىپوداعىنىڭ ءتوراعاسى توعىزباي تاجبەنوۆ اراسىندا جانجال شىققان. تاجبەنوۆ ءمىنىعۇلوۆتىڭ ارقاسىنا پىشاق سۇعىپ العان. سونداي-اق، اراشا تۇسكەن "قازاقمىس" كورپوراسياسىنىڭ مامانى سابىرجان تەمبايەۆتىڭ دا كەۋدە تۇسىنان جاراقات سالعان.
كۋاگەرلەردىڭ ايتۋىنشا، بۇدان سوڭ تاجبەنوۆ وقيعا ورنىندا وز-وزىنە قول جۇمساعان. ءمىنىعۇلوۆ پەن تەمبايەۆ اۋرۋحاناعا ءتۇستى. وقيعاعا قاتىستى تەرگەۋ جۇرگىزىلىپ جاتىر.
پىكىر قالدىرۋ