ۇكىمەتتىڭ كەڭەيتىلگەن وتىرىسىندا ءسوز العان ۇلتتىق بانك ءتوراعاسى ەربولات دوسايەۆ قولما-قولسىز تولەمنىڭ ايتارلىقتاي وسكەنىن ايتتى، دەپ جازادى vlast.kz.
"2019 جىلى قولما-قولسىز تولەمدەر 2 ەسەگە ارتتى. ورتاشا ەسەپپەن كۇنىنە 37 ملرد تەڭگەگە 4 ملن تولەم جاسالعان. الايدا مۇنداي وسىمنەن بيۋدجەتكە ءتۇسىم بايقالىپ وتىرعان جوق. الداعى ۋاقىتتا قولما-قولسىز تولەم جاساۋدىڭ جوعارى تەحنولوگيالىق وزگە دە ينفراقۇرىلىمدىق تۇرلەرى جۇزەگە اسىرىلادى"، دەدى دوسايەۆ.
بانك ءتوراعاسى قازاقستاندا تەڭگە باعامىنىڭ ەركىن اينالىمى ساقتالا بەرەتىنىن ايتىپ، بىلتىرعى جىل سوڭىنداعى ناتيجەگە ساي تەڭگە 0،4 پايىزعا كۇشەيگەنىن ءمالىم ەتتى.
ونىڭ سوزىنشە، بىلتىر قىمباتشىلىق 5،4 پايىزدى قۇراعان.
پىكىر قالدىرۋ