ق ر ءسىم-نىڭ رەسمي وكىلى ايبەك سمادياروۆ «ءبىرقاتار مەملەكەت ءوز ستۋدەنتتەرىن جۇڭگو حالىق رەسپۋبليكاسىنان شىعارىپ الىپ جاتىر» دەگەن اقپاراتتى جوققا شىعاردى. ول ءىس جۇزىندە جۇڭگو ەشبىر ەلگە ءوز ازاماتتارىن اكەتۋگە رۇقسات بەرمەگەنىن ايتتى، دەپ حابارلايدى zakon.kz.
"جاڭا ۆيرۋس تاراعان ۋحاننان ءبىرقاتار مەملەكەت، ونىڭ ىشىندە وزبەكستان مەن اقش ءوز ازاماتتارىن ەۆاكۋاسيالاعالى جاتىر" دەگەن اقپارات ب ا ق بەتتەرىندە جاريالاندى.
ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ كارانتين ەنگىزىلگەنگە دەيىن مينيسترلىك وسى قالاداعى قازاقستاندىقتاردىڭ سانى تۋرالى اقپارات جيناپ، ءتۇرلى سەنارييگە دايىن بولعاندىعىن ايتادى. ءبىراق جۇڭگو بيلىگى ۋحاندى جاۋىپ تاستاپ، ءقازىر ودان ەشكىمدى شىعارماي جاتىر.
قحر-داعى قازاقستاندىق ديپلوماتتار باسقا ەلدەردىڭ ەلشىلىكتەرى سياقتى قازاقستاندىقتاردى ەۆاكۋاسيالاۋ جولدارىن قاراستىرۋدى باستادى. كارانتين جاريالاعان العاشقى كۇنى-اق ولار جۇڭگو تاراپىنا وسىنداي مۇمكىنشىلىك بەرۋ تۋرالى ءتيىستى حاتتار جولدادى.
پىكىر قالدىرۋ