دەنساۋلىق ساقتاۋ ءمينيسترى ەلجان ءبىرتانوۆ قىتايدان جانە ىرگەلەس مەملەكەتتەردەن كەلگەن قازاقستاندىقتاردان دارىگەرمەن بايلانىسىپ، ەمحاناعا قارالۋدى سۇرادى، دەپ حابارلايدى Qamshy.kz اقپارات اگەنتتىگى. بۇل تۋرالى دەنساۋلىق ساقتاۋ ءمينيسترى ۇكىمەتتىڭ باسپا ءسوز كونفەرەنسياسىندا ايتتى.
"سوڭعى 14 كۇندە جۇڭگو حالىق رەسپۋبليكاسىنان جانە سوعان ىرگەلەس مەملەكەتتەردەن كەلگەن قازاقستاندىقتارعا ءوزىنىڭ ەمحاناسىنا كەلىپ نە حابارلاسىپ، قانداي دا ءبىر اۋرۋعا شالدىققان بولسا ءوز دارىگەرىنە تىركەۋگە تۇرۋ كەرەگىن ايتقىم كەلەدى. بۇل سىزدەردىڭ قاۋىپسىزدىكتەرىڭىز ءۇشىن جاساپ وتىرعان شارا، ءبىزدىڭ مەديسينالىق ماماندار باقىلاۋ جۇرگىزۋى ءۇشىن. دەنساۋلىق ناشارلاعان جاعدايدا، ءبىز شارا قولدانىپ، ءسىزدى جانە وتباسىڭىزدىڭ مۇشەلەرىن ءقاۋىپسىز ەتۋىمىز كەرەك. ءبىز سىزدەرگە ءاردايىم حابارلاسا بەرە المايمىز"، - دەدى دەنساۋلىق ساقتاۋ ءمينيسترى ەلجان ءبىرتانوۆ.
پىكىر قالدىرۋ