"Air Astana" قىتايداعى كوروناۆيرۋسقا بايلانىستى بىرنەشە رەيستى كەيىنگە شەگەردى، دەپ حابارلايدى اۋە كومپانياسىنىڭ باسپا ءسوز قىزمەتى.

قىتايدا كوروناۆيرۋستىڭ ورشۋىنە جانە كوممەرسيالىق جۇكتەمەنىڭ ازدىعىنا بايلانىستى نۇر-سۇلتان مەن الماتىدان ءۇرىمشى مەن بەيجىڭگە رەيستەر قىسقارتىلدى:

• نۇر-سۇلتاننان ۇرىمشىگە دەيىن - 6، 11 جانە 18 اقپاندا؛

• الماتىدان ۇرىمشىگە - 8،16 جانە 24 اقپاندا؛

• نۇر-سۇلتاننان پەكينگە - 22 اقپان؛

• الماتىدان پەكينگە - 19 جانە 26 اقپان.

جولاۋشىلار اۋەكومپانيانىڭ ساتۋ كەڭسەلەرىنە جالپى اقپارات الۋ ءۇشىن 244 4477 (الماتى) جانە 584 477 (قازاقستاننىڭ باسقا قالالارى ءۇشىن) نومەرلەرىنە تەگىن قوڭىراۋ شالا الادى. سونداي-اق برونداۋ، باعىتتى وزگەرتۋ نەمەسە بيلەتتەردى تولىعىمەن قايتارىپ الۋ مۇمكىندىگى بار. 

قازىرگى تاڭدا "Air Astana" اۋەكومپانياسى نۇر-سۇلتاننان ءۇرىمشى مەن پەكينگە اپتاسىنا ءۇش رەيستى، ال الماتىدان ۇرىمشىگە ءتورت رەيستى، پەكينگە اپتاسىنا بەس رەيستى ورىندايدى.