سىبايلاس جەمقورلىققا قارسى ءىس-قيمىل اگەنتتىگىنىڭ قوعامدىق كەڭەسى قايتا جاساقتالدى، دەپ حابارلايدى Qamshy.kz اقپارات اگەنتتىگى  ۆەدومستۆو باسپا ءسوز قىزمەتىنىڭ دەرەگىن نەگىزگە الىپ. 

داۋىس بەرۋ ناتيجەسىندە تۇڭعىش پرەزيدەنت - ەلباسى قورىنىڭ ديرەكتورى قىزمەتىن اتقارۋشى يگور روگوۆ قوعامدىق كەڭەستىڭ ءتوراعاسى بولىپ تاعايىندالعانى ايتىلادى. 

كەڭەس قۇرامىنا مۇشە بولعاندار: مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ ءتوراعاسى ءاليحان بايمەنوۆ، پرەزيدەنت جانىنداعى مەملەكەتتىك باسقارۋ اكادەمياسىنىڭ رەكتورى ەرلان ءابىل، "ەگەمەن قازاقستان" رەسپۋبليكالىق گازەتى" اق باسقارما ءتوراعاسى دارحان ءقىدىرالى، پارلامەنت ءماجىلىسىنىڭ دەپۋتاتى ارتۋر پلاتونوۆ، زاڭ عىلىمدارىنىڭ دوكتورى، پروفەسسور يسيدور بورچاشۆيلي، الماتى بويىنشا ارنايى مونيتورينگ توبىنىڭ مۇشەسى، قوعام قايراتكەرى ەلەنا ميتروفانوۆا، "م. س. نارىكبايەۆ اتىنداعى قازگزۋ ۋنيۆەرسيتەتى" اق باسقارما ءتوراعاسى تالعات نارىكبايەۆ، CSI كونسالتينگ كومپانياسىنىڭ اعا سەرىكتەسى ولجاس قۇدايبەرگەنوۆ، سونداي-اق اگەنتتىكتىڭ ەكى وكىلى.

بۇرىندارى يگور روگوۆ جوعارعى سوت كەڭەسىنىڭ ءتوراعاسى، ادىلەت ءمينيسترى، پرەزيدەنت كەڭەسشىسى، پرەزيدەنت كومەكشىسى جانە تاعى باسقا قىزمەتتەردى اتقارعان.