ق ر ۇلتتىق ەكونوميكا ءمينيسترى رۋسلان دالەنوۆ دۋبايدا وتەتىن ەحرو 2020 كورمەسىنە قاتىسۋعا ءبولىنىپ قويعان قاراجات كولەمى قايتا قاراستىرىلۋى مۇمكىن ەكەنىن ايتتى.
رۋسلان دالەنوۆ ۇكىمەتتە وتكەن باسپا ءسوز جيىنىندا دۋبايداعى كورمەگە قاتىستى قويىلعان سۇراققا جاۋاپ بەردى.
"وسى جانە باسقا دا سۇراقتاردى، اسىرەسە وسى سۇراقتى ءبىزدىڭ كوميسسيا قاراستىرادى. بۇل شىعىنداردىڭ تيىمدىلىگى، بىزگە نە بەرەتىنى مەن ەلگە قانشالىقتى ينۆەستيسيا تارتا الاتىنى كوميسسيادا قارالادى. ەگەر كوميسسيا بۇل شىعىنداردىڭ ءتيىمسىز ەكەنىن دالەلدەپ جاتسا، دۇرىس شەشىم قابىلدانادى. جالپى، ءبىز ەندى ءاربىر فورۋمعا بولىنەتىن اقشانىڭ تيىمدىلىگىن قاراستىراتىن بولامىز"، - دەدى مينيستر.
ءمينيستردىڭ سوزىنشە، قازاقستاننىڭ دۋبايداعى Expo 2020 كورمەسىنە قاتىسۋى ءتيىمدى ەكەنىن ساۋدا مينيسترلىگى دالەلدەۋى ءتيىس.
پىكىر قالدىرۋ