بۇگىن، 29 قاڭتاردا قازاقستان پرەزيدەنتى قاسىم-جومارت توقايەۆ ءبىرقاتار كادرلاردى وزگەرتتى. بۇل تۋرالى اقوردا سايتى حابارلادى.
پرەزيدەنت وكىمىمەن ەرمەك كوشەربايەۆ سىرتقى ىستەر ءمينيسترىنىڭ ورىنباسارى قىزمەتىنەن بوساتىلىپ، قازاقساتاننىڭ رەسەيدەگى ەلشىسى بولىپ تاعايىندالدى. اقوردا ونىڭ بۇرىنعى قىزمەتىنە كىم تاعايىندالعانىن ءالى حابارلامادى.
بۇدان بولەك توقايەۆتىڭ جارلىعىمەن قازاقستاننىڭ مالايزياداعى ەلشىسى بولات يمانبايەۆ قازاقستاننىڭ برۋنەي-دارۋسسالامداعى ەلشىسى قىزمەتىن قوسا اتقاراتىن بولدى.
ال قازاقستاننىڭ شۆەيسارياداعى ەلشىسى الىبەك باقايەۆ قازاقستاننىڭ ليحتەنشتەيندەگى، ۆاتيكانداعى، قاسيەتتى يەرۋساليم يواننى، رودوس جانە مالتانىڭ ەگەمەندى اسكەري گوسپيتالەرلەرى وردەنىنىڭ جانىنداعى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە تاعايىندالدى.
پىكىر قالدىرۋ