جاپون ازاماتتارى مىنگەن العاشقى ۇشاق توكيوعا كەلىپ جەتتى، – دەپ حابارلايدى Qamshy.kz ريا نوۆوستي-گە سىلتەمە جاساپ.

ۇشاقتاعى دارىگەرلەر دەنە تەمپەراتۋراسىن تەكسەرەتىن قۇرىلعىلارمەن جابدىقتالعان. اۋرۋ بەلگىلەرى بار-جوعىنا قاراماستان، ارنايى اۆتوبۋستارداعى بارلىق جولاۋشىلار تالداۋ جاساۋ ءۇشىن اۋرۋحاناعا جىبەرىلدى. توكيوداعى حانەدا اۋەجايىنا كەلگەن ەكى جولاۋشى بۇل جاعدايعا نارازىلىقتارىن ءبىلدىردى.

اۋستراليا پرەمەر-مينيسترى سكوتت مورريسون قىتايدىڭ ۋحان قالاسىندا بولعان اۋستراليالىقتار روجدەستۆو ارالىنا جىبەرىلىپ جاتىر، ولارعا كارانتين جاريالانادى، – دەپ حابارلايدى جەرگىلىكتى 9News تەلەارناسى.

– ءبىز سول جەردە بولعان اۋستراليالىقتارمەن جۇمىس جاسايمىز جانە وقشاۋلانعان ادامداردىڭ جەكە باسىن انىقتاۋ پروسەسىن جۇرگىزۋگە ءتيىسپىز. مەنىڭ باستى مىندەتىم –  اۋستراليالىقتاردىڭ قاۋىپسىزدىگى، – دەدى پرەمەر-مينيستر.

ونىڭ سوزىنشە، ۋحاننان كەلگەن اۋستراليالىقتاردىڭ ارالدا جاڭا كوروناۆيرۋستى جۇقتىرماعانى انىقتالعانعا دەيىن ەكى اپتا كەتەدى.

اۋسترالياداعى ەڭ ءىرى Qantas Airways اۋەكومپانياسى ۋحاننان ازاماتتاردى ەۆاكۋاسيالاۋعا ءوز كومەگىن ۇسىنعان.

2019 جىلعى 31 جەلتوقساندا جۇڭگو بيلىگى دۇنيەجۇزىلىك دەنساۋلىق ساقتاۋ ۇيىمىنا ەلدىڭ ورتالىق بولىگىندە ورنالاسقان ۋحان قالاسىندا بەلگىسىز پنيەۆمونيانىڭ ءورشۋى تۋرالى حابارلادى. ماماندار اۋرۋدىڭ قوزدىرعىشىن انىقتادى، بۇل –  2019-nCoV كوروناۆيرۋسى.

قحر مەملەكەتتىك دەنساۋلىق ساقتاۋ كوميتەتىنىڭ سوڭعى مالىمەتتەرىنە سايكەس، قىتايدا كوروناۆيرۋستىڭ جاڭا تۇرىنەن تۋىنداعان پنيەۆمونيامەن اۋىراتىن ادامداردىڭ جالپى سانى 5974 ادامعا جەتسە، ولاردىڭ 132ء-ى قايتىس بولدى.

قۇرلىقتان تىس جەرلەردە گونكونگ، ماكاو، تايۆان، تايلاند، جاپونيا، وڭتۇستىك كورەيا، اقش، كانادا، ۆەتنام، سينگاپۋر، نەپال، فرانسيا، اۆستراليا، مالايزيا جانە گەرمانيادا ينفەكسيا جۇقتىرعاندار تىركەلدى.