وسىعان دەيىن قىزۋى كوتەرىلىپ كۇدىك تۋعىزعان 17 جاستاعى قىزدا كوروناۆيرۋس بەلگىلەرى جوق  ەكەنى انىقتالدى. الايدا   دارىگەرلەر  ەمدەلۋشىدەن ۆيرۋستىڭ باسقا ءتۇرىن بايقاعان، – دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساي وتىرىپ.

قازاقستاننىڭ باس سانيتارلىق دارىگەرى جانداربەك بەكشيننىڭ سوزىنە قاراعاندا، جاس قىزدىڭ اعزاسىنان گونكونگ تۇماۋى تابىلعان. ناۋقاس قىتايدىڭ پەكين قالاسىنان كەلگەن.

بۇل تۋرالى جانداربەك بەكشين جۋرناليستەرگە بەرگەن سۇحباتىندا دالمە-دال:

«ول قىزدا H3N2 شتامى بار تۇماۋ انىقتادى. بۇل – ناقتى دەرەك»، – دەگەن بولاتىن.

ناقتى دەرەكتى ايتپاقشى، ميكروبيولوگيالىق كلاسسيفيكاسيا بويىنشا گونكونگ تۇماۋى H3N2 تۇرىندە بەلگىلەنگەن. ول الەم بويىنشا ءقاۋىپتى ۆيرۋستار ساناتىنا جاتادى. اۋەلدە ۆيرۋس قۇستار اراسىندا تاراعانىمەن، كەيىننەن ادامدارعا دا جۇعا باستايدى.

ايتا كەتەيىك، 28 قاڭتاردا قازاقستانعا قىتايدان ءتورت ادام ۇشىپ كەلدى. بارلىعىن بىردەن وتكىر رەسپيراتورلىق ۆيرۋستى ينفەكسيا بار دەگەن كۇدىكپەن اۋرۋحاناعا جاتقىزدى. ولاردىڭ ىشىندە جوعارىدا اتالعان 17 جاستاعى قىز دا بولعان.