جۇڭگو حالىق رەسپۋبليكاسىندا ءبىر كۇننىڭ ىشىندە كوروناۆيرۋستىڭ 1731 جاڭا جاعدايى تىركەلىپ، 38 ادام قايتىس بولدى، دەپ حابارلايدى interfax.ru
قحر دەنساۋلىق ساقتاۋ جونىندەگى مەملەكەتتىك كوميتەتىنىڭ مالىمەتىنە سۇيەنسەك، ۆيرۋستى جۇقتىرعاندار سانى - 7711 ادام. ونىڭ 170ء-ى قايتىس بولدى. سونداي-اق، حۋبەي پروۆينسياسىنىڭ بيلىگى ەمدەلۋدەن باس تارتقان كورونوۆيرۋسقا شالدىققان ادامداردى قىلمىستىق جاۋاپقا تارتپاق.
"قىتايدىڭ حۋبەي پروۆينسياسىندا ناۋقاستاردىڭ جالپى سانى - 4586-ا جەتتى، ونىڭ 38ء-ى قايتىس بولدى. ال، سىچۋان پروۆينسياسىندا 1 ادام. جۇقپالى دەرتپەن 2126 ادام ۋحاندا تىركەلگەنى انىقتالدى. كوروناۆيرۋسپەن گونكونگتا - 10، ماكاودا - 7 جانە تايۆاندا - 8 ادام تىركەلگەن، - دەپ مالىمدەمە جاسادى قحر مەملەكەتتىك كوميتەتى.
سونىمەن قاتار، بيلىك اۋرۋحانالارعا گۇل شوقتارىن قويۋعا جانە باننەرلەر ىلۋگە، ەمحاناعا كىرۋگە تىيىم سالادى.
ەسكە سالا كەتسەك، دەنساۋلىق ساقتاۋ ءمينيسترى ەلجان ءبىرتانوۆ دارىگەرلەردىڭ قىتايدان كەلگەن 23 قازاقستاندىقتى باقىلاۋعا العانىن، ولاردىڭ 4ء-ى اۋرۋحاناعا تۇسكەنىن ايتتى.
پىكىر قالدىرۋ