بۇل تۋرالى ءبىلىم جانە عىلىم ءمينيسترى اسحات ايماعامبەتوۆ پەداگوگيكالىق جوعارى وقۋ ورىندارى ستۋدەنتتەرىمەن كەزدەسۋ بارىسىندا ءمالىم ەتتى، دەپ جازادى informburo.kz.

2019 جىلى پەداگوگيكالىق ماماندىقتارعا وقۋعا ءتۇسۋ ءۇشىن ەڭ تومەنگى شەكتى بالل 60-تى قۇراسا، 2018 جىلى 50 بالل بولاتىن. ءبىلىم جانە عىلىم مينيسترلىگى بۇل شەكتى تاعى 10 باللعا جوعارىلاتىپ، 70 باللعا دەيىن كوتەرمەك.

– ۇستاز ماماندىعى مەكتەپتىڭ وزات تۇلەكتەرى اراسىندا سۇرانىسى تومەن ماماندىقتاردىڭ ءبىرى. ونى قالدىق قاعيداتى بويىنشا، مەكتەپتە ۇلگەرىمى تومەن بولعان تۇلەكتەر تاڭدايدى. وسى ورايدا تالاپكەرلەردى پەداگوگيكالىق ماماندىقتارعا كوپتەپ تارتۋ ءۇشىن ناقتى شارالار قولعا الىنۋدا. 2019 جىلى وقۋعا قابىلدانۋ ءۇشىن شەكتى بالل 60 باللعا دەيىن جوعارىلاتىلدى. 2020 جىلى شەكتى باللدى 70 باللعا دەيىن كوتەرۋ جوسپارلانۋدا، – دەدى مينيستر.

اسحات ايماعامبەتوۆتىڭ ايتۋىنشا، 2021 جىلدان باستاپ ءار ۋنيۆەرسيتەت ءوز ۇلگىسىندە ديپلوم بەرەتىن نورما كۇشىنە ەنەدى. بۇل – جوعارى وقۋ ورىندارى اراسىنداعى باسەكەگە قابىلەتتىلىكتى ارتتىرىپ، ءبىلىم بەرۋ قىزمەتىنىڭ ساپاسىنا دەگەن جاۋاپكەرشىلىكتى ارتتىرادى دەپ كۇتىلۋدە.