پرەمەر-مينيستردىڭ ورىنباسارى بەردىبەك ساپاربايەۆ، ۇكىمەت قورىنان    كوروناۆيرۋسقا قارسى قورعانۋ زاتتارىن ساتىپ الۋ ءۇشىن 1،5 ملرد تەڭگە بولىنگەنىن مالىمدەدى. 

"كەشە ۇكىمەت قورعانىس زاتتارىن، بەتپەردە جانە باسقا دا قاجەتتى زاتتاردى الۋعا تاپسىرما بەردى. قاۋلىعا قول قويىلدى. ۇكىمەت قورىنان قوسىمشا 1،5 ميلليارد تەڭگە ءبولىندى. سونىمەن قاتار، بۇرىنعى قور بار. جالپى، جۇرتشىلىققا مەديسينالىق كومەك قاجەت بولعان جاعدايدا بىزدە بارلىق مۇمكىندىكتەر - زاتتار دا قاراجات تا بار"، - دەدى مينسيتر. 

سونداي-اق، مينيستر بەتپەردەنىڭ جەتىسپەۋشىلىگى تۋرالى الەۋمەتتىك جەلىدە تاراپ جاتقان اقپاراتتى جوققا شىعاردى. ادامدار بايبالامعا سالىنىپ، كوپتەپ ساتىپ الىپ جاتىر. ءبىراق بىزدە مەديسينالىق بەتپەردەلەر جەتكىلىكتى ەكەنىن ايتتى. ەگەر دە ءدارىحانالاردا بولماي جاتسا، باسشىلىققا ايتسا، سوندا جەتكىزەمىز دەدى.

ءدال قازىرگى ۋاقىتتا ۇكىمەت قازاقستاندىق ستۋدەنتتەردى ەلگە قايتارۋعا جۇڭگو سىرتقى ىستەر مينيسترلىگىمەن تىكەلەي جۇمىس ىستەپ جاتقانىندا ايتا كەتتى. 

"680 ءتۋريستى ەلگە جەتكىزۋ بويىنشا، ولاردىڭ جارتىسى ورالدى. ءبىزدىڭ ەسەبىمىز بويىنشا، بۇگىن-ەرتەڭ بارلىعى قازاقستانعا كەلۋى ءتيىس. ەلگە قايتامىز دەگەن ستۋدەنتتەر بويىنشا، ءبىز ءقازىر ۇشاق دايىنداپ وتىرمىز. ولاردا قىتايدىڭ جاڭا جىل مەرەكەسىن تويلاۋعا بايلانىستى دەمالىس بولىپ جاتىر. قازىرگى ۋاقىتتا دەمالىس مەرزىمىن ۇزارتۋ ماسەلەسى قارالىپ جاتىر. ونىڭ قانشالىقتى ۇزاراتىنى تۋرالى، بىزگە جۇڭگو ۇكىمەتى حابارلايتىن بولادى. ەڭ باستىسى ءبىزدىڭ جۇڭگو تاراپىمەن كەلىسۋىمىز جانە ءبىز سونىڭ اياسىندا جۇمىس ىستەيمىز"، - دەدى ساپاربايەۆ.