"بايقوڭىر" اۋدانىنىڭ ەكس-اكىمى اسقار ەسىلوۆ پارا العانىن ءوز ەركىمەن مويىندادى. سول ءۇشىن قۇقىق قورعاۋ ورگاندارى اكىمدى قاماۋعا الماعان. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى دەپارتامەنت باسشىسى تۇسىنىكتەمە بەردى.
اگەنتتىكتىڭ القا وتىرىسى بارىسىندا ءتيىستى دەپارتامەنتتىڭ وكىلى باۋىرجان بالعابەكوۆكە وتىرىستىڭ كۋلۋاردا سۇراق قويىلعان ەدى.
دەپارتامەنت باسشىسىنىڭ ورىنباسارىنىڭ سوزىنە سۇيەنسەك، ەكس-اكىم ورىندالعان جۇمىستار تۋرالى جالعان اكتىلەرگە قول قويعانى ءۇشىن ايىپتالىپ وتىر. وعان قوسا، پارا العان.
بالعابەكوۆتىڭ ايتۋىنشا، ول ءوز كىناسىن تولىعىمەن مويىنداعاندىقتان قاماۋعا العان جوقپىز. بۇگىندە قىلمىستىق كودەكستىڭ 366-بابى بويىنشا ءىس قوزعالدى. وعان سايكەس، شەنەۋنىكتىڭ العان پاراسىنا قاراي 20-80 ەسەلەنگەن سوما كولەمىندە ايىپپۇل سالىنادى نەمەسە 15 جىلعا دەيىن باس بوستاندىعىنان ايىرىلۋى مۇمكىن. قازىرگى كەزدە سوتقا دەيىنگى تەرگەۋ شارالارى جۇرگىزىلىپ جاتىر.
پىكىر قالدىرۋ